Einfalt er betra en flókið !

Kara flutti suður þar sem dekrað er við hana ;o)

2008-11-27T17:35:00.002Z

Kara litla tíkin okkar sem er ekki lengur tíkin okkar heitir núna Skotta og flutti í 101 Reykjavík ;o) Jábbs... Litla prinsessan fann sér nýtt heimili hjá yndislegu fólki sem dekrar við hana í bak og fyrir...

Af okkur er annars bara allt rosalega gott að frétta... Í dag aflýsti ég skólahaldi hér í sæluríki vegna hvassviðris og við mæðgur dúlluðum okkur bara við að baka, taka til fyrir jólin, koma einhverju jóladóti fyrir, máluðum og fleira og fleira...

Bráðum koma jólin ;o) trallalalllalalaaa...

Kara leitar að nýju heimili

2008-11-13T19:48:00.010Z

Kara með pabba sínum Sigfúsi frá Gunnarsstöðum :-)

Kara Ósk Sigfúsdóttir litla 7 mánaða hvolpatíkin okkar leitar nú eftir nýju heimili, óskaheimilið er auðvitað sveitabýli þar sem hún fær að hlaupa um frjáls fjarri bílaumferð ;o) En aðalatriðið er góður eigandi að sjálfsögðu og hún fæst gefins á gott heimili, henni fylgir búr og hún er mjög góð í bíl.

Kara litla er blanda af tveimur mjög vel gefnum hundategundum sem eru shar pei og border collie. Persónuleika-lýsingarnar sem finna má um þessar tegundir segja það sem segja þarf um Köru, en upplýsingar um þessar tegundir eru hér á þessum slóðum: http://www.hvuttar.net/?g=33&h=3432 og http://www.brekkukots.com/lysing1.html

Kara er mjög sérstakt dýr, hlýðin og klár. Eins og myndin hérna fyrir neðan sýnir þá er hún líka mjög falleg og nett.

Svo eru fleiri myndir hér neðar á blogginu af Köru...

Nýmálað húsið mitt

2008-09-08T12:48:00.003Z

Ó já... það tókst ;o) jiiiibbbííííí...

Helgin nýttist með ólíkindum vel og afraksturinn er nýmálað eitt stykki hús... alveg ótrúlegt hvað tókst vel að leysa þetta verkefni... Ég er hérna með tvær myndir handa ykkur, eftir undirbúning fyrir málningu og svo nokkurn vegin alveg að verða tilbúið... Tek eina seinna þegar búið verður að ljúka við að mála gluggana...

Bara geggjað ;o)

Hvernig líst ykkur nú á þetta ???

Að háþrýstiþvo hús..!

2008-08-09T10:47:00.003Z

Þegar maður ætlar að mála húsið sitt þarf að háþrýstiþvo húsið fyrst, allavega er stundum þörf á því, ekki endilega alltaf..!

Nú en ég fékk lánaða bensín háþrýstidælu í gær hjá hreppnum og það er sko alvöru græja ;o) Ég fílaði mig eins og Rambo við háþrýstiþvottinn, svona eins og ég væri með vélbyssu í bardaga að forðast málningarflygsnuvatnsflauminn (óvininn) sem náði þrátt fyrir plastyfirhafnir (skothelt vesti) að laumast ofaní í stígvélin, inn á milli brjóstanna og framan í gleraugnagáminn 8-þ Sumsé særðist í bardaganum, en náði að ljúka ætlunarverkinu (sigraði) og hreinsa hjallinn ;o)

Grüssen, Jo Rambo...

Sumarið alveg að verða búið !!!

2008-07-31T12:19:00.003Z

Við mæðgur rúlluðum inn í sumarið með því að fara í útskriftarferð í faðmi fjölskyldunnar, en það var þannig að mamma var að ljúka við sjúkraliðann, Birkir bróðir kláraði og viðskiptafræðina og Maja mágkona lauk við leikskólakennarann... Þannig að það var mikið um dýrðir í útskriftarveislu og síðan alveg frábærri fjölskylduferð til Albir á Spáni ;o)

Kara litla var í pössun á Bakkafirði hjá foreldrum sínum á meðan þar sem fór vel um hana, en það var gaman að fá hana aftur þegar við komum heim...

Svo er það fína húsið okkar, við erum enn að leita að góðum lit á það... Ég vil svona einhvern brúndrappaðan á móti hvítum gluggum og hvítu þakskyggni, eitthvað í líkingu við það sem er á myndinni hérna fyrir neðan, sá þetta hús á Egilsstöðum sl helgi þar sem ég átti leið um...

Ég skellti mér á Bræðsluna um sl helgi á stórtónleika með Damien Rice, Eivör, Dísu, Amy, Magna og svo nottla endalausum trúbadorum alla nóttina í yndislegu umhverfi og dásamlegu veðri, mikið sungið í frábærum félagsskap... Rosalega vel heppnað allt saman og þakka ég það helst ungfrú Snæfelli og ungfrú Húsavík ;o)

Takk fyrir helgina stelpur...

Fjölgun í Grænuás fjölskylduna

2008-06-12T12:39:00.002Z

Já já já kraftaverkin gerast enn!!! Við mæðgur vorum að fá okkur lítinn hvolp, litla krúsídúllu sem hefur hlotið nafnið Kara Ósk og þar sem faðir hennar heitir Sigfús mun hún vera Sigfúsdóttir ;o) Nafnið Kara kemur úr ítölsku og þýðir ást og umhyggja...

Litla óskin hennar Stefaníu minnar er hérna að leika sér við Níló vinkonu sína sem býr í sömu götu, en þeim finnst voða gaman að ærslast uppi í Ás og leika saman ;o) Kara litla er 10 vikna núna...

Meira síðar...

Páskafríið góða

2008-03-27T09:34:00.004Z

Tumi engispretta, Gosi og Stefanía í nýja hermannajakkanum sínum að fá "undirskriftir"

Á Hótel Sögu í Brunch - Gætum alveg vanist þessu, hehe...

Úlfar Árni litli bróðir

Stefanía með einn af hundunum "sínum"

Að skíða niður jólasveinabrekkuna með Helga á skíðunum hennar Svövu Guðnýjar ;o) jibbíííí...

Já við mæðgur höfðum það gott í páskafríinu og gerðum ýmislegt... Fórum suður til Hörpu og fórum í bíó á Horton og í leikhús á Gosa... Fengum okkur brunch á Hótel Sögu eins og hinar drottningarnar ;o) Heimsóttum Rósu mömmu, Úlfar Árna litla bróður og hundana til Keflavíkur... Stefanía kynntist frænku nágrannakonu Hörpu og fór með þeim í sund og prakkaraðist enn meira með þeim... Svo hjálpuðum við Hörpu að pakka niður, en hún er að flytja upp í Mosó... Nú og svo þegar norður í Eyjafjörðinn var aftur komið fékk dóttirin innsýn í skíðaíþróttina hjá Helga "skáfrænda" og fékk þá lánuð skíðin hennar Svövu Guðnýjar... Það gekk svo að Stefanía fékk skíðabakteríu sem var ekki læknuð á annan hátt en þann að koma henni í skíðaskóla upp í Hlíðarfjall þar sem hún sveif um brekkurnar frá 10-14 í tvo daga ;o) Frábær skíðaskóli og Stefanía fór seinni daginn í stólalyftunni og fannst alveg ótrúlega gaman...

Af hinu og þessu !

2008-03-13T22:53:00.003Z

Eins og venjulega þegar langt líður í milli blogga hér á þessari síðu fer því fjarri að einhver lognmolla ríki hjá mæðgunum í sæluríki... Fyrir um tveimur vikum lögðum við upp í leiðangur á HSÞ héraðsmót sem haldið var á Húsavík og uppskar stelpurófan hennar mömmu sinnar hvorki meira né minna en tvo gullmola, fyrir langstökk án atrennu og 40 metra spretthlaup. Á heimasíðu grunnskólans er að finna myndir úr ferðinni undir fréttinni "Austra stelpur á héraðsmót HSÞ" -> http://grunnskoli.raufarhofn.is/

Nú síðan þá hafa hlutirnir í skólanum að mestu snúist um árshátíðarundirbúning og lauk hinni stórglæsilegu árshátíð nú í kvöld. Þemað var norræn goðafræði og leikritin heimatilbúin, með ævintýrin sem fyrirmynd, en útfært á nýstárlegan máta. Hérna getið þið kíkt á myndir frá árshátíðinni okkar ;o) http://grunnskoli.raufarhofn.is/

Í fyrradag átti ég leið um tröppurnar mínar hérna heima hjá mér sem eru alveg þrjár og það væri nú ekki í frásögur færandi ef ég hefði ekki gleymt seinni tveimur og hrunið niður með þeim afleiðingum að ég missteig mig svona skemmtilega að ég tognaði illa og hef verið á hækjum síðan! Á því miður engar myndir af því!!!

Mamma og pabbi létu sig að sjálfsögðu ekki vanta á árshátíðina og vorum við mæðgur mikið glöð að fá þau til okkar. Amman ákvað svo að vera okkur mæðgum samferða þar sem mamman er svona soltið "fatlafól" í augnablikinu.

Annars er stefnan sett á Reykjavíkurferð, leikhús, námskeið og fleira og fleira... Aldrei nein rólegheit yfir Reykjavíkurferðum, alltaf meira á dagskránni en maður kemst yfir... og ekki víst að maður nái að ljúka öllu planinu svona skakklappur!

Engin lognmolla hér...

Fyrirtækið Álfasteinn til Raufarhafnar

2008-02-12T11:17:00.000Z

Raufarhöfn: 10-12 ný störf

Fyrirtækið Álfasteinn á Borgarfirði eystra hyggst ráðast í mikla uppbyggingu á Raufarhöfn. Reiknað er með að 10-12 störf skapist á staðnum næsta sumar og að þau verði um 20 sumarið 2009. Fyrirtækið Álfasteinn hefur um árabil sérhæft sig í framleiðslu á vörum úr steini. Til Raufarhafnar verða fluttar vélar sem áður voru í Flatey í Hornafirði og nýtast til sögunar og vinnslu á stórgrýti.

Sá búnaður verður aukinn og endurbættur og ráðist verður í frekari vöruþróun hjá Álfasteini á Raufarhöfn, meðal annars þróaðir nýir hlutir í byggingasteini og fleiru. Einnig kemur Álfasteinn inn í Heimskautagerðis verkefnið sem unnið hefur verið að á Raufarhöfn um nokkurt skeið þar sem reisa á mikið grjótvirki í anda hins breska „Stonehenge". Það verkefni krefst tækjabúnaðar sem Álfasteinn ræður yfir.

Einstaklingum býðst að kaupa hlut í fyrirtækinu að lágmarki 100.000 krónur og fyrirtækjum að lágmarki 1.000.000

Kostakjör... Frábært tækifæri...

;o) Mikil gleði í Sæluríki um þessar mundir :-)

Búið að blóta

2008-02-11T13:31:00.000Z

Í fréttum er þetta helst...

Ég lauk við að græja gestasvítuna með dyggri aðstoð Sigtryggs smiðs og Vidda frænda, auðvitað hjálpaði Stefanía til með pensil og málningu og svo kom hún María vinkona mín frá Bakkafirði og lagði lokahönd á meistaraverkið með mér, flutti rúmið inn í svítuna og fleira sem gerir herbergi að svítu ;o)

Góðir gestir mættu á blótið hér um helgina, fyrir utan Maríu og dóttur hennar komu Viddi og Guðný og mamma og pabbi. Blótið gekk sinn vanagang, Guðný tók minni karla ótrúlega vel og þá var sko hlegið... og hlegið... En hápunktur kvöldsins mun væntanlega vera þegar ég var valin í næstu þorrablótsnefnd (fyrir þorrablótið 2009), ja... svona allavega fyrir tilvonandi gesti þess blóts ;o)

Nú fer hver að verða síðastur að falast eftir kennarastöðu hér við skólann fyrir komandi haust... En eins og við er að búast flykkist hér fólk að með kennararéttindi til sæluríkis í leit að góðum félagsskap... því hér eru góðir FÉLAGAR ;o)

Þegar kemur þorri hér,
þá má fara að blóta.
Hrútspung, rengi, hákarl, smjér,
höfugt vín þar með má fljóta.

(Höf.: Helgi Svavarsson)

Klippikonan og pæjulöggan ;o)

2008-02-07T14:26:00.001Z

Ó já hér var aldeilis djammað á þriðjudaginn síðasta klukkan 17... En þá var haldið grímuball í félagsheimilinu og mættu allir bæjarbúar í sínu galnasta pússi!!!

Dóttirin skellti sér í líki klippikonu og var ofsalega ánægð með gervið sitt, enda ótrúlega flott klippikona og bauð fólki upp á klippingu í leiðinni, var tilbúin með slá og klippigræjur og allt...

Mamman ýkti bara aðeins upp sína innri persónu og gerðist ekki bara pæja, heldur sko pæjulögga og sá um að gefa lummunum á staðnum nokkur góð tipps um gáfulegri leiðir til betra útlits ;o) hehe...

Og hérna eru svo myndir af stelpunum... ljósmyndari var Friðrik Olguson ;o)

Klippikonan fína... klippigræjurnar sjást því miður ekki
á þessari mynd, en þær eru í mittisbelti...

Svo er það nottla aðal pæjulöggan !!!
Takið sérstaklega eftir pæjuprjónunum sem ég fékk senda frá landi hátískunnar, Japan.

Og nottla Kötturinn með höttinn,
alltaf svooo sætur ;o)

Till´später...

Dansað alla nóttina

2008-02-03T13:43:00.000Z

Og já... það var frábært þorrablótið í Kelduhverfi sem haldið var í Skúlagarði í gærkveldi, mikið etið og mikið dansað... Hjónin Hrund og Rúnar á Hóli buðu mér ásamt fleirum á þetta eðal blót sem algerlega stóð undir væntingum ;o) hvaðan þessi dansþörf kemur veit ég ekki, líklega er þetta okkur víkingunum bara í blóð borið... að minnsta kosti var nóg um frábæra dansara og þess vegna var ekki mikið um pásur... og svitinn lak... sumir þurftu meira að segja að skipta um föt!!!

Maður er manns gaman og það var frábært á blótinu...

Þá er bara að fara að huga að næsta blóti - þar sem ég kem til með að skilja grínið á náungann aðeins betur ;o)

Þorrablót hér á Raufarhöfn er semsagt um næstu helgi (9. feb) og þá á ég von á mörgum góðum gestum... það er meira að segja verið að græja gestasvítuna á neðri hæðinni svo að plássið verði nóg undir alla gestina ;o)

Sjáumst...

Með snjónum kom COMMENT ;o)

2008-01-29T16:05:00.001Z

Jibbíííí... það kom eitt komment - TAKK elsku systir mín !!!

Sko... það er ekkert gaman að skrifa fyrir blindum augum!!! Veit alveg að þið eruð fleiri þarna sem kíkið reglulega á mig... en þegar þið eruð ekkert að kvitta fyrir ykkur, þá nenni ég ekkert blogga...

já... bara skamm skamm ;o) hehe...

*************************************************************

Nú en... það kyngdi niður snjó á dögunum og við erum að tala um það að ég keypti mér nýjan bíl með það í huga að vera á betri bíl þegar færi að snjóa... Og viti menn ;o) nýji bíllinn mætti í hlaðið DAGINN FYRIR snjó-komuna!

Já eða sko mamma og pabbi komu með bílinn austur til okkar mæðgna, því að dóttirin tók upp á því að lasarusast eitthvað! TAKK mamma og pabbi ;o) Pabba leiddist þetta ekkert svakalega mikið, ekkert frekar en púsla með mér saman nýja rúminu hennar Stefaníu úr IKEA og kommóðunni ;o) gott að fá góða í heimsókn ;o)

Hversu nákvæmur getur maður nú verið í svona bílamálum, hehe... ;o) Hérna fylgja með myndir af dóttur minni úti í snjónum og nýja bílnum okkar... finnst ykkur hann ekki ÆÐISLEGUR ? ;o)

Snjórinn náði semsagt upp á miðja hurð og Stefaníu fannst náttúrulega tilvalið að setja á sig sundgleraugun og svo skutlaði ég henni bara út í snjó-laugina ;o) svaka stuð...

Og þarna er hann - Nýji - Flotti - Fallegi - Æðislegi bíllinn okkar ;o)
Einhversstaðar !!!

Og þarna er Stefanía horfin inn í skaflinn - svona rétt eins og bíllin ;o)

Meiri snjór, meiri snjór, meiri snjór ;o)

JÓLABRÉFIÐ 2007 !!!

2008-01-22T22:05:00.000Z

Hér er jólabréfið sem sent var út fyrir síðustu jól... svona fyrir þá sem ekki fengu en hefðu átt að fá eintak ;o)

Þá er komið að hinu árlega jólabréfi okkar mæðgna í Sæluríki. Síðasta skólaári/vetri lauk á ljúfu nótunum í „gamla húsinu“, árshátíð Grunnskólans var á sínum stað og fyrirmennin létu sig að sjálfsögðu ekki vanta þar. Mamma og pabbi „skruppu“ austureftir á árshátíð, en þau eru dálítið fyrir að „skreppa“ dagsferðir til stelpnanna sinna fyrir austan skarð og sléttu. Stefanía og vinir hennar fræddu viðstadda um heimsálfuna Ástralíu og léku síðan frumsamið leikrit á eftir.

Afi / langafi varð 75 ára og hittust ættingjar og vinir á heimili ömmu og afa á Akureyri og fögnuðu með honum. Alltaf svo gaman að hitta ættingjana... þar sem við komum saman... þar er gaman... Sjáumst vonandi sem vant er í frændsystkinateiti og áramótagleði.

Áður en vetri lauk var mömmunni boðin staða skólastjóra við Grunnskólann sem við höfðum starfað og numið við í tvo vetur. Eftir þrálát „nei“ sem báru engan árangur í samskiptum við yfirboðarana á Húsavík (þó að umrædd sé þekkt fyrir þrjósku og stjórnsemi... hmmm...) varð „já takk“ að lokum ofan á og frá 1. ágúst var mamman skólastjóri eða schuldirektorin eins og það er kallað á fagmáli þýskaranna yfir kvenkyns skólastjóra... Gaman að því hvert lífið leiðir mann... Skólastarfið gengur vel enda ekki von á öðru með annað eins einvala lið starfsfólks og nemenda. Heimasíða skólans er http://grunnskoli.raufarhofn.is/

Við kennararnir fórum í sumarbyrjun utan í námsferð til Álandseyja sem eru dásamlega fallegar skógivaxnar graníteyjar og heimsóttum þar fámenna skóla. „Skólastýran“ hitti þar menntamálaráðherra Álandseyja (sem er kona) og fór í bátsferð með henni og krökkum sem höfðu unnið spurningakeppni skólanna þar. Auðvitað var það hún Harpa systir sem skipulagði þessa einstaklega vel heppnuðu ferð... hún er snillingur stelpan... og allir rosalega ánægðir með ferðina.

Nú, en það sem efst mun vera á baugi hjá okkur mæðgum eru að sjálfsögðu hin margrómuðu húsakaup í maí/júní síðastliðnum. Mamman bara varð að finna sér eitthvert almennilegt verkefni fyrir hið langa og dásamlega kennarasumarfrí!

En svolítið sumarfrí fékkst þrátt fyrir húsakaup. Margit og Wolfgang komu frá Vínarborg og sáum við mæðgur til þess að norður- og norðausturland yrði vel og vandlega þrætt og vinum okkar þar með sýndar mestu perlur Íslands í þeirra fyrstu heimsókn til landsins. Í stuttu máli; Þau heilluðust algerlega upp úr skónum!

HÚSIÐ OKKAR er tignarlegt hús á besta stað í Sæluríki. Maður ræðst náttúrulega ekki á garðinn þar sem hann er lægstur og kaupir sér auðvitað „bara“ sex herbergja einbýlishús með bílskúr og stórum garði með flaggstöng... Hús sem ekki hefur verið búið í í ein 6-7 ár, hús þar sem músafaraldur hefur nýverið geysað... hús sem er með ónýtu þaki... hús sem er með rakaskemmdum... hús sem þarf hreinlega að moka út úr áður en hægt er að hefjast handa við endurbætur! Auðvitað... en ekki hvað? Verkefni fyrir heilt kennarasumarfrí! Tær snilld...

En fína „nýja húsið“ okkar er á besta stað með dásamlegu útsýni þar sem ekki bara heyrist í sjónum, heldur sést hann líka, ásamt fallegustu innsiglingu landsins og hinum undurfagra sjóndeildarhring með himninum allt í kring sem leikur sér að því að skarta sínu allra fegursta við hvert tækifæri. Gatan okkar heitir Grænuás og húsið er númer 2. Húsið okkar heitir Freyvangur. Maðurinn sem byggði það átti afmæli 22. október, frábær ástæða til að bæta heilum degi við hátíðina í október.Dóttirin er 20. okt, mamman er 21. okt og Erlingur heitinn átti 22. okt. Þriggja daga afmælishátíð J hehe...

En hérna sjáið þið húsið okkar utan frá í rökkrinu með jólaljósunum!

Margar hendur vinna létt verk og það hafa margar margar hendur komið að því að gera húsið okkar vatnshelt, vindhelt, hlýtt og umfram allt notalegt og fallegt. Já og laust við músaskít og músagang. Engar mýs í Freyvangi, ekki einu sinni músaför í kringum húsið. Við þökkum ykkur öllum sem lagt hafið hönd á plóg mikið og vel fyrir alla þá miklu hjálpsemi, þolinmæði og vinsemd sem þið hafð sýnt okkur í þessum miklu framkvæmdum. Við þökkum ykkur öllum sem komuð í heimsókn hingað austur til okkar kærlega fyrir komuna. Endilega komið fljótt aftur, því að núna er sko nóg pláss og ennþá notalegri húsakynni til að njóta góðra samverustunda. Hlakka til að sjá ykkur aftur og ykkur hin sem eigið ennþá eftir að koma í heimsókn til okkar.

Á haustdögum skruppum við skólastjórarnir í Norðurþingi ásamt tónlistarskólanum á Húsavík og tónlistarskólanum Do Re Mí í Reykjavík til Helsinki að skoða tónlistarskóla og Grunnskóla sem leggja áherslu á hljóðfærakennslu. Þetta var frábær ferð og vonandi að hljóðfærakennsla verði í framtíðinni jafn sjálfsagður hluti af skólagöngu barna (gjaldfrjáls) líkt og sjálfsögð kennsla í lestri og stærðfræði. Í vetur er Stefanía í gítarnámi og nýtur hún sín þar mjög vel. Heima spilar hún jafnt á blokkflautuna, hljómborðið og gítarinn.

Aðventan kom notaleg inn í skammdegismyrkrið og það er hreint dásamlegt að fylgjast með skreytingagleði íbúa Sæluríkis en hér eru öll hús skreytt í bak og fyrir, allir gluggar og hvað eina sem hægt er að skreyta. Sæluríki er sannkallaður jólabær.

Á Aðventukvöldinu í kirkjunni las mamman jólasögu og dóttirin fór með hlutverk Maríu meyjar í Helgileiknum. Friðrik Þór vinur Stefaníu fór með hlutverk Jóseps.

Að lokum óskum við ykkur öllum gleðilegrar jólahátíðar & heillaríks komandi árs.

Bestu jólakveðjur, Jóhanna Dögg og Stefanía Sigurdís.

jæja jæja jæja

2008-01-16T18:59:00.000Z

Það er nú ekki eins og lífið sé jafn tilbreytingalaust og þetta blessaða blogg mitt! onei!

Það er náttúrulega allt að gerast í vinnunni minni... ég er búin að taka stundaskrárnar og stokka því kerfi upp og nýjar stundaskrár taka gildi 23. janúar við annaskipti... ekki nóg með það, heldur fá krakkarnir ósk sína uppfyllta hvað varðar íþróttatímana, með nýju stundaskrár skipulagi gengur það upp og við erum stolt yfir því að leggja jafn mikið í íþróttaiðkun nemenda okkar og raun ber vitni með þessum breytingum... Listgreinarnar, þ.á.m. smíðarnar, eru að koma rosalega vel út í vetur, krakkarnir eru að gera alveg ótrúlega flott hluti... Nú og svo erum við líka að starta mötuneyti ;o) jájájá bara allt að gerast hérna í sæluríki... Sveitarfélagið styrkti þetta mötuneytis verkefni okkar, fyrst og fremst vegna þess að hinir skólarnir í sveitarfélaginu bjóða nemendum sínum upp á skólamáltíðir og núna erum við líka að verða tilbúin til þess... stefnum að því á annaskiptum... Sumsé heilmiklar breytingar í skólanum... Gaman að því ;o)

Við mæðgur komum annars afbragðs vel undan jólafríinu, höfðum það notalegt í faðmi fjölskyldunnar og fengum margt góðra gjafa... en við erum ekki alveg tilbúnar ennþá að rífa jólaskreytingar niður í kassa... erum ennþá að velta fyrir okkur hvernig best sé að pakka þessum öllu saman niður... ljósin fara samt ekki næstum því strax... þau fá að lifa áfram ;o) íbúar sæluríkis eru alveg samtaka með það sem betur fer... fólk er ekkert að rífa ljósin niður strax... gott mál !

Mér leið nú bara eins og verið væri að gera grín að mér í síðasta Spaugstofu þætti þegar allir ruddust út úr Rúmfatalagernum með glæra kassa ;o) það var alveg ég... og svo næsta atriði þegar nágrannarnir mættu og neyddu sakleysingjana til að taka niður jólaskrautið, það var líka ég!!!

Kannski ég taki jólaskrautið niður um næstu helgi... en ljósin lifa eitthvað áfram í gluggunum mínum og í þakskyggninu...

Já og svo var ég að kaupa mér nýjan bíl ;o) BARA æðislegur ;o)

Nissan Qashqai...

Góð jól og gleðilegt nýtt ár

2008-01-01T18:44:00.000Z

Nýja baðherbergið !

2007-12-12T18:46:00.000Z

Sorrý sorrý... Ég átti víst alltaf eftir að setja hér inn myndir af baðherberginu eftir að endurbótum á því lauk ;o)

Svona er nú baðherbergið mitt eftir breytingu... alveg eftir mínu höfði og við mæðgur erum ógurlega ánægðar með útkomun og þessi sturta... krakkar mínir... ó boy ó boy... held við séum að leysast upp bara!!! Alveg dásamleg sturta ;o) og hitinn í gólfinu er náttúrulega yndislegur...

Svona er baðhergergið ef litið er til vinstri !

Og svona ef litið er til hægri... fína sturtan er þarna fyrir innan glervegginn...
svona "walk in shower" ;o)

Og þetta er glugginn okkar við eldhúsborðið, en takið eftir ljósinu ;o) ofsa fínt, við mæðgur keyptum það í Ikea og pússluðum því svo saman þegar við komum heim, þræleinfalt og smart.

volllllaaaaa....

Jólatónleikar...

2007-12-11T18:21:00.000Z

Tónleikunum var að ljúka og hér sést fallega heimasætan með gítarinn sinn...

...Svíf þú inn í svefninn með söng frá vörum mér...

Ýmislegt um að vera í skólanum okkar

2007-12-11T12:11:00.000Z

Í Grunnskólanum á Raufarhöfn fer fram skemmtilegt skólastarf og ef ykkur langar til að fylgjast með því eða skoða myndir sem hafa verið teknar upp á síðkastið, t.d. í þemavinnu...

Þá er þetta slóðin: http://grunnskoli.raufarhofn.is/

Stefanía með litla sæta bangsann sem hún gerði í saumum hjá Þóru Soffíu.

dvergar...

Jólin komin í Freyvang

2007-12-10T14:50:00.001Z

Já það er þannig... jólin komu til okkar um helgina... við snyrtum til og jólaskreyttum nýja fína húsið okkar... og settum upp jólatré á okkar "eigins" heimili í fyrsta skipti... gaman gaman... svona er svo útkoman ;o)

Jólaljósin á jólatrénu sjást ekki vel, en koma ofsalega vel út.
Stefanía skreytingameistari sá um jólatrésskrautið ;o)

Svefnherbergisgangurinn fékk auðvitað smá pínu jólaskreytingarmeðferð ;o)

Dálítið úr fókus, en þarna í glugganum er helgileikurinn!
Engillinn, gripahúsið og betlehemstjarnan ;o) Fallegt...

Eftir langan og strembinn jólaskreytingadag með þrifum og öllu
er maður orðinn frekar lúinn, gott að eiga svona flottan sófa
til að geta hvílt sig fyrir framan stundina okkar ;o)

Gleðilega aðventu og endilega fáið ykkur mandarínu...

Virðing fyrir kennarastarfinu ???

2007-12-06T13:24:00.000Z

Niðurstöður Pisa rannsóknarinnar sem bar saman færni 15 ára nemenda í 57 löndum í náttúrufræði, stærðfræði og lestri voru vonbrigði fyrir Íslendinga. Ísland lenti í 27. sæti á meðan Finnar komu best út úr rannsókninni. Hafsteinn Karlsson skólastjóri Salaskóla gerði rannsókn fyrir nokkru á kennsluháttum í 4 íslenskum skólum og 4 finnskum skólum. Í Finnlandi skiptir virðing fyrir kennarastarfinu lang mestu máli. Það er eitthvað sem Íslendingar þurfa að velta fyrir sér og hugsa alvarlega um og gera sér grein fyrir að sé atriði sem hefur mikið að segja. Menntun hefur alltaf skipt Finnana mjög miklu máli og líta á hana sem sína mestu auðlind. Finnar eru svo með um 7% nemenda í sérskólum og sérdeildum á meðan Íslendingar eru bara með um 1%. Geta Íslendingar lært af Finnunum og velt fyrir sér hvort hin almennt viðurkennda skólastefna á Íslandi "Skóli án aðgreiningar" eða "Skóli fyrir alla" þar sem öllum börnum, sama hvort þau eiga í hegðunar- eða námserfiðleikum eða eiga við einhverja fötlun að stríða, er blandað saman í skólastofunni. Getur verið eðlilegra að bjóða börnum með frávik upp á betri þjónustu en raun ber vitni um í íslenskum skólum? Getur verið eðlilegra að þau börn séu í sérdeildum og með kennara sem eru sérþjálfaðir til að takast á við þau verkefni sem slíkt kennarastarf krefst? Við vitum að það er ekki nema brotabrot af þeim börnum sem eiga rétt á slíku sem eru að fá slíka þjónustu, þessir sérþjálfuðu kennarar eru ekki að skila sér í þessi störf. Ekki frekar en almennir kennarar, að þeir séu að skila sér inn í leik- og grunnskólana og kenna börnunum okkar.

Hvað er hægt að gera?

Hér á þessari slóð er viðtal við Hafstein Karlsson í hádegisfréttum stöðvar 2. Endilega hlustið á þetta viðtal.

http://vefmidlar.visir.is/VefTV/?channelID=STOD2&programID=e2721386-b309-4e1e-97eb-b4f889644c89&mediaSourceID=1d371405-ddfd-4606-96c4-2f68915b54c8

Þetta eru tæpar 10 mínútur...

Menningarvikan í október !

2007-12-05T14:59:00.000Z

... Það er dálítið um uppákomur og hátíðir hér sem gaman er að segja ykkur frá... Nú til dæmis er alltaf menningarvika í október sem nefnd hefur verið Bjart er yfir Raufarhöfn ;o) og þá eru bæði innanbæjarlistamenn sem utanbæjar með sýningar, uppistand, tónleika eða annað mis-menningarlegt... Skólinn hefur undanfarin ár séð um eitt kvöldið og hérna er einmitt mynd af Stefaníu með sínum hópi í skemmtiatriðinu sem þau tóku fyrir... En þau eru sko harðir rokkarar og sungu lagið "Hard Rock Halleluja"...

Skvísan er að syngja hér lengst til vinstri og svo hefðuð þið átt að sjá þegar þær stöllur sveifluðu hárinu fram og aftur ;o) Ef þið eruð að spekúlera í hlutverki hinna í hljómsveitinni, þá er þessi í miðjunni trommari og sá hægra megin á gítar eða bassa... "Gegt" stuð...

Næst er það mamma hans Emils í Kattholti sem skilaði sínu hlutverki með stæl á 1. des hátíðinni hér í sl viku... þar til síðar...

Afmælisdagar í október !

2007-12-04T10:21:00.000Z

...Já maður má nú ekki gleyma að segja frá afmælunum í október ;o) Það er nefnilega þannig eins og flestir vita að við mæðgur eigum afmæli 20. og 21. október sem er mjög skemmtilegt... því að okkur finnst við eiga afmæli í alveg tvo daga á ári... Nú en það sem ekki margir vita er að núna eru afmælisdagarnir orðnir 3 hjá okkur, í röð ;o) ó já... það er nefnilega þannig að maðurinn sem byggði húsið okkar og nefndi það "Freyvang"... hann Erlingur okkar (hann er sko dáinn - dó í stólnum við stofugluggann með viskí í annarri og líklega vindil í hinni!) hann átti afmæli 22. október... Sumsé frábær ástæða til að halda upp á afmæli í 3ja daga partýi ;o)

Myndir úr afmælinu 20. október fara hér á eftir... Hér sjáið þið fína 8-10 manna borðstofuborðið sem við mæðgur versluðum okkur í Ikea og 18 krakkar röðuðu sér með góðu móti í kringum, svo sófann auðvitað, risa stór tungusófi sem svaðalega gott er að hafa það notalegt í fyrir framan tv eða fallega útsýnið út um stóra stofugluggann okkar...

Mamma / amma klikkar ekki á að kíkja á stelpurnar sínar á afmælinu og aðstoðar dyggilega við baksturinn...

Hello Kitty kaka í afmælinu sem var sérstaklega teiknuð upp af afmælisbarninu með nákvæmum leiðbeiningum hvaða litir ættu að vera hvar, hvernig nammi ætti að vera í augum, veiðihári og etc...

Sófinn ;o) og auðvitað fullt af pökkum og krökkum...

Farvel...

Baðherbergið mitt og útihurðin

2007-11-26T14:40:00.000Z

Jæja... þá mun biðin fara að styttast hjá ykkur... hvað myndir af fína fína húsinu mínu varðar...

...við munum byrja á því að skoða myndir af baðherberginu mínu eins og það var orðið þegar búið var að brjóta og bramla allt út úr því (skápa, standandi vask, klósett, baðkar með heilu "víravirki" af veggjum og hurðum í kringum það, fullt af flísum og pikkföstum gólfdúk), skafa jötungrip af veggjum, heilsparsla næstum heilan vegg, sparsla eitthvað, skipta um vatnslagnir og græja þær í nýtt skipulag, múra sturtubotn og utan um nýjar vatnslagnir, setja hitamottur í gólfið og flota yfir þær, setja upp nýjan klósettkassa og flísaleggja hann, sturtubotninn og gólfið... sumsé frekar mikið búið og þá leit það svona út...

Og svo er hérna fín mynd af nýju fínu útihurðinni minni sem var sett í fyrir mig í október sl. Ég teiknaði hurðina að vísu allt öðru vísi fyrir smiðina sem ég fékk til að smíða hana fyrir mig á Akureyri, en falleg hurð engu að síður, þó ég hefði að sjálfsögðu heldur viljað fá hönnunina mína! (Hérna var verið að vinna við að setja flísar á gólfið sem búið var að setja hitamottur á og flota yfir)

Svo koma bráðum inn myndir af fullbúnu baðherbergi og útihurðinni utanfrá svo hún sjáist nú betur...

Þar til síðar...

* Dvergurinn Vetrarfaðir *

2007-11-22T08:33:00.000Z

Gormánuður - Tímabil Víðars 23.okt - 22.nóv

Heimaslátrun hófst og gorinn flæddi, þess vegna heitir mánuðurinn Gormánuður.

Meira um Víðar: Víðar er bróðir Þórs og er mikill veiðigarpur. Hann býr að Víðvangi og er einfari. Víðar hefnir Óðins í ragnarökum og drepur Fenrisúlf. Hann endurreisir heiminn eftir ragnarök.

Dvergurinn Vetrarfaðir gætir fyrstu viku vetrar, 19. - 24. október og um hann er þetta ritað:

Vetrarfaðir sá sem kallar inn veturinn (hvítklæddur)

"Bíður veturinn velkominn

vafinn í hvíta feldinn sinn"

Þar sem ég á afmæli á þessu tímabili þá er dvergurinn Vetrarfaðir dvergurinn "minn", held ég sé bara nokkuð stolt af mínum dverg ;o)

Nú en þið sem ekki vitið að þá er Vetrarfaðir einn af dvergunum í dvergatali Völuspár sem notað er sem ein af hugmyndafræðilegum undirstöðum Heimskautsgerðisins okkar hér á Raufarhöfn.

Í hugmyndinni um Heimskautsgerðið er dvergum Völuspár og Snorra-Eddu stillt upp, alls 72 talsins. Með þeim fjölda á hver þeirra sitt "vik" í árinu, ef miðað er við 5 daga viku. Í ljós kemur að ef Vetrarfaðir er settur á fyrsta vetrardag þá ganga nöfnin upp eftir því hvar í árinu þeir lenda, t.d. Várkaldur í viku vors, Bjartur í viku sumars þegar nætur eru bjartar og Dvalinn í haustviku þegar allt leggst í dvala fyrir veturinn. Þannig verður til Árshringur dverga.

Ásamt því að Heimskautsgerðið kynni dvergana er líka kynning á okkar gömlu mánaðarheitum og þeim goðum sem mánuðirnir tilheyra. Þannig er tímatalið, hið forna og nýja, tengt dvergatali fornbókmenntanna og sköpunarverki frumkvöðla Heimskautsgerðisins þar sem dvergarnir eru persónugerðir með mynd- og ljóðrænum hætti. Í árshringnum fá dvergarnir 72 allir sitt hlutverk og sín séreinkenni.

Haukur Halldórsson listamaður hefur teiknað dvergana og Jónas Friðrik Guðnason skáld ort um þá alla og er það bæði til á íslensku og ensku.

Þessar upplýsingar ásamt myndum af heimskautsgerðinu og fullt af fleiri upplýsingum um Heimskautsgerðið (Arctic-henge) á Raufarhöfn er að finna á þessari slóð:

http://www.hac.is/files/244731809heimskautsgerdi_lokaskjal.pdf

Lokið hefur verið við undirbúningsvinnu að þessi stórmerka verkefni og fyrsti hleðslusteinninn er kominn upp á hringinn þar sem sést til allra átta að sjóndeildarhringnum eða 360°. Fljótlega á komandi ári munu sérfróðir menn halda áfram uppbyggingu hins stórmerka Heimskautsgerðis hér í Sæluríki.

... meira síðar ...

Yfirhlaðnar hillur af puntudralli !

2007-11-20T10:33:00.000Z

Jæja... núna er ég að koma puntudótaríinu mínu fyrir á fína fína nýja heimilinu mínu og allt að verða svo ofsalega fágað og flott. Ég á ósköpin öll af fallegum hlutum og myndum sem "þarf" að koma haganlega og vel fyrir í hillum og á veggjum. Held bara að þótt húsið mitt sé í stærri kantinum, að það sé hreinlega ekki nógu stórt fyrir puntudrallið mitt!!!

En í gvöðanna bænum ekki láta það þvælast fyrir ykkur ef ykkur langar til að gefa mér fallegt og fínt húsapuntudrall!!! Er alveg sjúk í fallega muni... nema bara hvað... að ég held að það sé erfitt að velja fallega muni fyrir aðra... nema ég, ég er rosalega góð í því og vön að hitta alveg í mark ;o) hehe...

En segiði mér sem eigið líka svona mikið af fínu húsapuntudralli, hvað geriði við alla fallegu munina ykkar ef þeir komast ekki fyrir? Það er hreint og beint glæpsamlegt að pakka þeim niður í geymslu!!! Hvernig er hægt að velja og hafna?

... er í geymslunni ...

Oftar, en minna í einu !

2007-11-14T14:05:00.000Z

Er að reyna að koma mér í blogg - gírinn þessa dagana... það er nefnilega svo leiðinlegt að fara reglulega inn á bloggsíður þar sem gersamlega EKKERT gerist ! Svona eins og ástandið hefur verið hérna inni hjá mér undanfarnar vikur (eða öllu heldur, mánuði!).

Nú en það markverðasta síðan í gærmorgun mun vera besta STURTUFERÐ ævi minnar ;o) Við erum að tala um dásamlegustu sturtu í heimi... ó já og það er nýja fína sturtan í nýja fína húsinu mínu...

Það er allt að smella í húsinu þessa dagana, búin að fylla út umsókn um endurbótalán og bíð bara spennt eftir því að byggingarfulltrúinn komi frá Húsavík til að taka út herlegheitin. Er svo stolt af húsinu mínu og öllu því frábæra fólki sem hefur hjálpað mér og stutt mig í þessum endurbótum. Ég á að sjálfsögðu eftir að gera ýmislegt, það er ekki eins og þetta sé bara búið - o nei... Til dæmis á eftir að mála og græja neðri hæðina, klæða húsið að utan, byggja pallinn, setja heita pottinn á pallinn ;o) hehe... og fleira og fleira...

Flottasta húsið í bænum...

7. ágúst - 12. nóvember !!!

2007-11-12T11:07:00.000Z

Jammm... löng þögn... það er samt ekki eins og ekkert hafi drifið á daga mína þennan tíma!

Nú, ég setti skólann í síðustu viku ágústmánaðar og það gekk bara átakalaust, nemendur voru ánægðir eftir gott sumarfrí og starfsfólkið kom ánægt til vinnu, þannig að þá var ég að vonum líka ánægð ;o)

Skólastarfið tók litlum breytingum, en þó einhverjum. Til dæmis stokkaði ég upp í íþróttunum og skipti öllum nemendum skólans upp í tvo hópa, yngri og eldri hóp, og bætti við einum íþróttatíma. Þannig fara nemendur í 3 leikfimi tíma á viku og 1 sundtíma. Þessi breyting er að reynast mjög vel og krakkarnir ánægðir með fyrirkomulagið. Síðan var smíðastofu komið í gagnið og allir nemendur skólans fá kennslu í smíðum og allir mjög spenntir í þeim tímum. Nú og svo er starfsmannahópurinn svo frábær að það er ekki hægt að búast við öðru en að allt gangi bara ljómandi vel í skólanum okkar.

Fína fína húsið mitt er alveg að verða tilbúið (a.m.k. efri hæðin!). Það er verið að leggja lokahönd á baðherbergið uppi núna. Búið að mála og flísaleggja, setja upp klósettkassann og sturtuna og innréttinguna að mestu. Allt að gerast og ég held ég bara komist í sturtu fyrir jólin... eftir laaaanga bið !

En nýji sófinn kemur vel út í stofunni og nýja borðstofuborðið sömuleiðis, þetta er allt eins og draumur í dós, nema þetta er eiginlega frekar svona draumur í höll ;o) hehe... Útidyrahurðin er líka ofsalega fín og já við mæðgur erum ofsalega ánægðar með þetta allt saman og það fer mjög vel um okkur í Grænuási 2.

Ég skrapp til Finnlands um daginn með öðrum skólastjórum hér á svæðinu, bæði úr grunn- og leikskólum, og tónlistarskólum á Húsavík og í Reykjavík. Við fórum til að skoða skóla sem leggja áherslu á hljóðfærakennslu í skólunum sínum (þar er hljóðfærakennslan jafn eðlileg og stærðfræðikennsla og t.d. 5 kennslustundir á viku og hvoru um sig), skoðuðum líka tónlistarskóla fyrir þroskahefta (sú heimsókn stóð upp úr) og nokkra tónlistarskóla (jazz og fleira).

Þetta var góð ferð og auðvitað gafst tækifæri á að skoða miðborg Helsinki betur... (betur já, ég sá aðeins af henni þegar við fórum til Álandseyja í vor og stoppuðum í 2 daga í Helsinki) og Helsinki er eiginlega alveg draumur fyrir þá sem vilja fara í afslappelsisferð þar sem bæði verslun og aragrúi góðra veitingastaða er á hverju strái. Ég mæli með Sokos Hotel Helsinki og næsta nágrenni. Fyrir mestu matgæðinganna þá er auðvitað hægt að fá hreindýr á flestum veitingastöðum og það er t.a.m. mjög gott á hótelinu sem ég er að mæla með, en svo er hægt að fá bjarndýrasteik á t.d. rússneska veitingastaðnum Sasslik, það kostar ekki nema 115 evrur! Við vinkonurnar gáfum bara bangsa líf þegar við sáum verðið, en pöntuðum okkur Elg í staðinn sem bragðaðist mjög vel.

Hafið það gott...

Sunnudagur til sælu í sæluríki

2007-08-07T09:00:00.001Z

Já við mæðgur erum fluttar í nýja húsið ;o) Harpa systir hefur unnið að þessu með okkur daga og nætur og eftir heimsókn pabba og Vidda, parketlögn í hjónaherberginu og listalögn, tókst þetta. Kristján frændi og Helgi hennar Ernu komu um sl helgi og skutluðu parketi á bæði barnaherbergin fyrir mig... TAK SKAL I ALLA HA... En... það er alltaf "en"... auðvitað er ekki allt tilbúið. Ég bíð eftir flísunum sem eiga að koma á stofuna, holið, forstofuna og svefnherbergisganginn, þær eiga að vera á landinu í lok ágúst (krossum fingur!). Svo á eftir að klára að græja rafmagnið, skipta um rofa og tengla og setja upp öll ljós! Útidyrahurðin mín er enn í meðhöndlun hjá mér í bílskúrnum mínum og glerið í hana er ekki komið, en hún fer í húsið öðru hvoru megin við næstu helgi... Svo þarf ég auðvitað að klára að mála... Þá á líka eftir að græja aðal baðherbergið mitt, það hlýtur að fara að skella á (Það er sko lítið klósett niðri, þannig að við þurfum ekki að hlaupa út undir húsvegg!!!) Sumsé... allt að koma ;o)

Nú, en það fer vel um okkur þarna uppi á Ásahverfinu... Gatan okkar heitir Grænuás (ekki Græniás, heldur "u", takið eftir því!) Við mæðgur höfum komið okkur vel fyrir í "hjónaherberginu", Harpa er í stærra barnaherberginu eða græna herberginu (það var grænt!) og svo er sjónvarpsherbergi í Stefaníu herbergi, minna barnaherberginu, þangað til stofan verður flísalögð og gerð klár. Hún Stefanía mín valdi sér minna barnaherbergið því að þar finnst henni vera betra útsýni yfir vitann, innsiglinguna, skólann og já bara rosalega flott útsýni... Henni kippir í kynið þessari elsku því að mamman hefði aldrei anað út í það að versla sér eitt stykki sex herbergja einbýlishús með bílskúr og gert það upp... ef það hefði ekki verið fyrir útsýnið sem lokkað hana til þess, ó já... Þar hafið þið það, ástæðan fyrir þessari geggjun er ÚTSÝNIÐ...

svoooo fallegt ;o)

My first day at school - sem skólastjóri !!!

2007-08-01T09:12:00.000Z

Þær eru nokkrar spurningarnar sem þjóta í gegnum hugann á þessum degi... en það er ekkert annað í boði en hreinlega stinga sér á bólakaf í djúpu laugina og vita hvort maður skjóti ekki upp kollinum einhverntíman með vorinu ;o) jamm... bara spennandi tímar framundan...

Annars ganga húsa-upp-byggingar bara vel. Það er kominn hiti í gólfið í stofuna mína, holið, forstofuna og baðherbergið, þá er bara að flísaleggja þessi svæði en flísarnar koma því miður ekki fyrr en í lok ágúst (skæl, snökt!)... Nú en það er búið að græja bæði barnaherbergin uppi, mála og parketleggja... Hjónaherbergið er í vinnslu, en ég fékk 4 frábæra krakka í heimsókn sem sköfuðu veggfóðrið af stóra veggnum með miklum myndarskap og eiga þau miklar þakkir skilið fyrir afrekið og bjartsýni mín á að ljúka þessu herbergi af jókst upp úr öllu valdi ;o) Við Harpa systir erum á fullu að ljúka við að græja eldúsið, skipta um bakaraofn, þrífa, þrífa meira og svo mála... alltaf svo gaman saman ;o) Harpa er svo á fullu heima í gömlu íbúðinni líka að pakka og reyna að stelast til að henda og henda og henda einhverju sem hún kallar "drasl" en er að sjálfsögðu gersemi í mínum huga!!! Nýja útihurðin mín er komin og ég er búin að vera að grunna hana og pússa og gera fína, glerið í hana kemur í næstu viku og þá á svipuðum tíma fer hún í fína húsið mitt... Helgi rafvirki er búinn að tengja grilljón nýja víra í rafmagnstöfluna mína og koma fyrir nýjum öryggjum þar sem allt er orðið "rafmagns" núna, engir vatnsofnar lengur!

Ég á von á nýrri fartölvu á næstunni og þá hljóta að koma hér inn myndir af framkvæmdunum hjá mér og öllum mínum vinum, ættingjum og vandamönnum sem hafa lagt mér lið við þetta verkefni...

En svona bara... bæ ðe vei... Hvað gera skólastjórar?!?!

Ég ætla þá bara að skella mér í kafarabúninginn og stinga mér... ef ykkur dettur eitthvað í hug, þá endilega gefið mér góð tips ;o) læt ykkur vita með hækkandi sól hvort þið hafið verið einhversstaðar nálægt því að geta ykkur rétt til, hehe...

tulitú...

Skipt um þak á Freyvangi

2007-06-08T10:45:00.000Z

Þá er ég komin heim úr námsferð til Álandseyja með viðkomu í Helsinki og Tallin. Þetta var auðvitað í alla staði BARA frábær ferð ;o) En spurning hvursu gáfulegt það er að senda kennara frá Íslandi í svona ferðir, því að það er ekkert rosalega upplífgandi að sjá muninn á aðbúnaði barna milli Skandinavíu landanna!

Við heimsóttum fámenna skóla á Álandseyjum. Allur aðbúnaður í skólunum var til fyrirmyndar, sama hvernig á það var litið, út frá sjónarhóli barnanna eða kennaranna. Börnin og kennararnir starfa við frábæra vinnuaðstöðu, húsgögnin nýleg, falleg og þægileg. Nemendur nota fallegar, litskrúðugar, vel skipulagðar og aðlaðandi námsbækur, jafnt les- og vinnubækur. Smíðastofur, handavinna, listvinna... öll aðstaða til fyrirmyndar. Það er með öðrum orðum borin mikil virðing fyrir starfi nemenda í skólum sem mér finnst best lýsa sér í því hversu vel öguð börnin virtust vera og glöð, fljót að koma sér að verki, áhugasöm og góð. Þau sjá í umhverfi sínu að virðing er borin fyrir þeim og þá að sjálfsögðu bera þau virðingu fyrir umhverfi sínu á móti. Frammi á öllum göngum voru bókahillur, landakort á veggjum, blóm á borðum og í gluggakistum, húsgögn og fleira. Alls staðar vel gengið um.

Forsetinn er kona og meirihluti þingmanna eru konur... Hefur það eitthvað að segja um skólamálin í Finnlandi og á Álandseyjum (sem heyra undir stjórn Finnlands) ?

Skólarnir þarna úti og námsgagnaframleiðendur hafa augljóslega úr mun meiri fjármunum að spila heldur en íslenskir skólar og stofnanir. Sem lýsir sér kannski að einhverju leyti þegar litið er til klausanna sem standa í hverjum flokki um fjármuni til skólanna, alls staðar kemur fram að sveitarfélögunum beri að veita "lágmarks" fjárveitingu í þennan og hinn flokkinn, "lágmarks" þetta og "lágmarks" hitt!!!

Ég mæli með því að menntamálaráðuneytið eins og það leggur sig fari vandlega ofan í kjölinn á þeim vinnubrögðum sem til eru höfð í t.d. Finnlandi og Svíþjóð, fari þangað í heimsókn, skoði skólana, sjái börnin sem starfa þar og kennarana, taki sér þetta allt til fyrirmyndar og setji svo börnin okkar í fyrsta sæti hér á Íslandi... Ríkið þarf að styrkja sveitarfélögin miklu miklu betur til skólastarfsins en nú er.

En úr einu í annað...

Það er verið að skipta um þak á fína fína húsinu mínu ;o) Logn og blíða einkennir daginn ;o)

Verið ófeimin - endilega látið sjá ykkur - hér er mikið fjör og mikið gaman - brettum upp ermar - og svo er að sjálfsögðu hægt að taka veiðistöngina með og veiða nokkra svaka góða silunga í soðið í leiðinni ;o)

***

Húsakaup og bakstur... Ert þú kennari?

2007-05-10T12:41:00.000Z

Bakstur og aftur bakstur... Er eitt af því sem mér datt í hug að flýta fyrir mér með gagnvart sumrinu og þeim stórkostlegu framkvæmdum sem þær fela í sér... Ja sko... þegar maður verslar sér eitt stykki SEX herbergja Einbýlishús með bílskúr og tilheyrandi... Og þarf að græja HELLING til að gera það fínt og flott að hætti blogghöfunds! Þá þarf að hugsa til þess að eiga nóg af góðum mat til handa þeim sem kæmu til með að rétta nýbakaðri skólastýru hjálparhönd við húsa-upp-reisnina ;o) Sumsé gott brauð, góðar kökur, góður matur, góðir "drykkir", konfekt, vínber og það sem já fer upp í munn og ofan í maga... Einhver afar gáfulegur sagði eitt sinn að leiðin að hjarta mannsins (og konunnar, ef ég má tala fyrir hönd kven-kynsins) væri í gegnum magann og með það að leiðarljósi er vonandi hægt að halda gleðinni í hávegum ásamt vænum slatta af húmor ;o) Svona um leið og skipt er um þak, sett rafmagn í gólfin, baðherbergið gersamlega tekið í nefið, allt sparslað (inni og úti) málað og græjað...

Svo bara er það eitt til viðbótar sem brennur á mér þessa dagana. Það er KENNARAMÁL... ég þarf á kraftmiklum kennurum að halda til starfa við Grunnskóla Raufarhafnar næsta haust ;o) Ég kom með nokkra góða punkta hér í 2-3 bloggum neðar og þar lýsi ég því beint frá hjartanu hvursu meiriháttar það er að búa hérna í sæluríki, starfa og lifa með vinum og FÉLÖGUM... En orðið "félagi" er uppurið héðan fyrir þá sem það ekki vissu ;o) Barinn heitir einmitt "Félaginn"...

Komið fagnandi kæru vinir... Hleypið kennurunum til mín...

Flutningsstyrk og fyrirgreiðslu um húsnæði er heitið.

Sjáumst ;o)

Bongóblíða í Freyvangi !

2007-05-02T13:07:00.000Z

Þessari veðurblíðu leiðist ekki hérna hjá okkur í sæluríki enda gestrisni íbúa sæluríkis engri lík ;o) Börnin hafa baðað sig í sól frá morgni til kvölds nú í 5 daga og við mæðurnar höfum nýtt okkur sæluna út í ystu æsar úti á fínu pöllunum sem húsfeðurnir hafa verið sveittir við að smíða undanfarin misseri. Við létum það nú vera að baða okkur í heitu pottunum, enda bauð veðrið ekki upp á slíkt, sólin sá um að ylja skvísunum sem allar eru orðnar hver annarri brúnni og sællegri.

Já og svo þetta með þessa fínu kjúklingarétti... ég er búin að prófa þá báða og þetta er bara mjög gott og það er náttúrulega alveg dásamlegt að svona einföld matargerð skuli bragðast svona ofsalega vel ;o) Ég var í matarboði hjá Guðrúnu vinkonu minni fyrir nokkrum árum og þá bauð hún upp á kjúklingabringur í mangochutney og rjóma... borið fram með hrísgrjónum og salati... Þetta hljómar líka svaðalega einfalt og nú er bara hvur er fyrstur að prófa og skella hér inn athugasemd með útkomuna !

Húsakaup... húsakaup... hér eru almennileg hús með almennilegu útsýni af skornum skammti, en ég er svo heppin að vera að skrifa undir kaupsamning á einmitt þannig húseign í þessum skrifuðu orðum... Sem þarf jú auðvitað að gera mikið fyrir og græja helling í, þannig að ef einhver þarna úti sem les þetta klæjar í fingurna og langar ósköpin öll að hjálpa mér, þá er hægt að leggja inn umsókn á hjálparbeiðni hér inn í athugasemdir ;o) verið óhrædd og stefnið endilega í hjálparstörf til sæluríkis í bongóblíðuna í sumar... ég verð hér í Freyvangi (en tilvonandi húsið mitt ber það nafn)... með málningarpensil í annarri og pískinn í hinni ;o)

síjú...

Svaðalega einfalt og svaðalega gott

2007-04-19T11:05:00.000Z

Hérna fáið þið góða kjúlla uppskrift sem er tilbúin áður en þið náið að segja akrakadabra!

1) 4 kjúklingabringur í eldfast mót.
2) Baða þær upp úr innihaldi einnar grænnar pestó krukku.
3) Dreifa fetaosti úr einni krukku yfir allt saman.
4) Skera 4 tómata í grófar sneiðar og raða yfir allt gúmmelaðið.

Í ofn á 180° - 200° í um 40 - 50 mínútur. Borðað með hrísgrjónum eða kartöflum. Voða hollt og gott að hafa salat líka með ;o)

Verði ykkur svo sannarlega að góðu...

(Uppskrift frá Ingu Heiðu)

Vetur konungur & auglýsingar

2007-04-18T12:21:00.000Z

Já, herra Vetur Konungur leit hér við snemma í morgun og heiðraði okkur með nærveru sinni fram að hádegi með tilheyrandi snjóhríð svona rétt til að minna á sig og vonandi með það í huga að heilsa sumrinu með þéttu handarbandi. Svo segja menn að það viti á gott ef vetur og sumar frjósa saman... þannig að vonandi verður frost í nótt... því þá getum við átt von á óvenju góðu sumri... Um að gera að trúa svona, það er nottla bara hluti af því að vera sannur íslendingur ;o)

Héðan úr grunnskólanum á Raufarhöfn er búið að senda út tvær auglýsingar, auglýst er eftir kennurum og skólastjóra... svo endilega hugsið ykkur vandlega um áður en þið látið slíkt kostatækifæri ykkur úr greipum renna... hér er mjög gott að vera, góður vinnuandi í skólanum, fallegt umhverfi (dásamlegar gönguleiðir), flott íþróttamiðstöð þar sem 16 ára og yngri fá frítt inn í bæði sund og íþróttasal, besti heimilislæknir á landinu starfrækir hér sinn praxis, hjúkkan svíkur engan, tannlæknirinn kemur hingað í a.m.k. 4 ferðir yfir árið, í búðinni er urmull af úrvali og ef það sem þú ert vön/vanur að versla er ekki til þá þarftu að bíða í max 2 daga eftir því að það birtist í hillunum hjá Gunnu í Urð, allar nýjustu dvd myndirnar koma strax í sjoppuna (ekkert second hand hér sko!), bankinn og pósthúsið er á sínum stað, hótelið bíður upp á skyndibita og/eða hátíðarmat (allt eftir því í hvernig stuði þú ert!), ódýr leikskóli, tjarnir sem hægt er að veiða síli í á sumrin og skauta á yfir vetrartímann, við erum ekki með kaffihús en erum þeim mun duglegri að skreppa í kaffi heim til hvers annars hérna í sæluríki því að öll dýrin í skóginum eru vinir og það sem betra er að margir eiga svona flotta kaffihúsakaffivél á eldhúsborðinu sínu og það er sko alltaf boðið upp á rjóma með því... því að hér njótum við lífsins ;o)

ert þú með?

Ferming um helgina

2007-04-13T09:47:00.000Z

Þá er framundan að fara í ferminguna hennar Guðrúnar Marínar. Hún fermist á Sunnudaginn í Glerárkirkju og eftir athöfnina hittumst við fjölskyldan í kaffi heima í Einholti. Hlakka til að sjá ykkur öll þar ;o)

En ég var ekki búin að segja ykkur frá litla sæta hvuttanum sem hljóp inn í stofu til mín um páskana... svooo osssa mikið krútt... var bara að hugsa um að ættleiða hann.... En Úppsss... það er kominn tími, verð að rjúka ;o)

till´später...

Gleðilega páska !!!

2007-04-11T08:42:00.000Z

Já já ég er búin að vera MJÖG upptekin og hef haft margt þarfara að gera en að sitja og blogga mæ djer frends!!! En auðvitað hefði ég fyrir margt löngu getað verið búin að setja eitthvað hérna inn og það er náttúrulega alltaf eitthvað að gerast hérna sem mér finnst tilvalið að deila með ykkur... en það er nú ekki hægt að ætlast til þess að ég muni það allt, eftir allan þennan tíma..!

Baksturinn hefur gengið osssalega vel verð ég að segja, bakaði síðast í gærkvöldi litlar pizzur, svona nestis pizzur, fyllti frystinn af þessu og einfalt fyrir Stefaníu mína að taka með í skólanestið ;o) svooo sneddý...

Nú á Öskudaginn vorum við mæðgur Indíánamæðgur og hefðum farið með sigur af hólmi ef ég hefði bara ekki verið valin í dómnefnd, sei sei, en það er að sjálfsögðu hið félagslega sem skiptir öllu máli og þetta var ofsalega gaman... Stubbarnir komu sáu og sigruðu, en það voru unglingarnir í skólanum sem dubbuðu sig upp í líki þeirra, græjur og sjónvörp komu líka við sögu, salt og pipar staukar, rokkarar, ýmis sæt smádýr, sjóræningi og fleira spennandi... Það sem er skemmtilegast við Öskudaginn hér á Raufarhöfn er að fullorðnir dubba sig líka upp í gerfi ;o) Ekkert skemmtilegra en að þekkja ekki nágrannana!!!

Góðir gestir komu í heimsókn til okkar Stefaníu yfir páskahátíðina, Guðný Hrund, Viðar, Kristrún, Guðrún Marín, mamma og Harpa systir... þannig að það var fjör í kotinu okkar og að sjálfsögðu er alltaf nóg gistipláss ;o)

En meira síðar....

Dansað alla nóttina...

2007-02-16T09:51:00.000Z

Jábbs ég fékk loksins að dansa og dansa og dansa dátt með miklum dansherrum á þorrablóti á Kópaskeri um síðustu helgi. Ég var nú svosem ekkert á því að dröslast á þriðja blótið þriðju helgina í röð!!! En þar sem mér finnst hákarl svo góður og nottla súrsaðir pungar með rófustöppu, stóðst ég ekki mátið ;o) Svo verð ég að viðurkenna að ég gældi við þá hugmynd að mögulega næði ég eins og einum almennilegum dansi með eins og einum almennilegum dansherra... það nefnilega skorti á síðustu tveimur blótum (sorrý!) En þau eru nefnilega í danskennslu hjá Önnu Breiðfjörð þarna á Kópaskeri aðra hverja viku svo að hugmyndin átti við rök að styðjast ;o)

Og viti menn... það flóði allt í dansherrum sem ég ekki bara dró fram á dansgólfið, heldur buðu mér líka upp í dans, ójá mér var boðið upp í dans... þessir menn eru ekki bara góðir að dansa heldur hugrakkir í þokkabót ;o) Eitt þótti mér þó merkilegt... það var að flestir dansherrana voru Þistlar... sem er lengra í burtu frá Kópaskeri en Raufarhöfn (fyrir þá sem hafa ekki enn áttað sig á því hvar á kortinu ég bý - hehe) Mikið úrval dansherra og ég fór ofsalega sátt og ánægð með lífið og tilveruna heim að sofa eftir ball.

Til viðbótar verð ég bara að deila því með ykkur að ég held að það sé hvergi eins gott að búa eins og hér á þessu landsvæði ;o)

Helgin... jú það er kirkjuskóli í fyrramálið klukkan 11, svo taka við fótboltaæfingar hjá krökkunum... ég er að prjóna ullarsokka á dóttur mína og hef hugsað mér að ljúka við það ;o) osssalega mikil húsmóðir... talandi um það... Ég fékk hrærivél í jólagjöf frá mömmu og Stefaníu og í framhaldi af því hef ég komist að því að það er bara hreint ekkert einasta mál að baka ;o) Ég er búin að baka heilu uppskriftirnar af skinkuhornum, pizzusnúðum, spelt-brauðbollum, hvítlauksbrauði og sítrónuköku svo eitthvað sé nú nefnt... og þar sem þetta ést frekar hægt á mínu litla heimili er ég bara farin að færa nágrönnunum fulla bauka af lostæti ;o) frystirinn tekur ekki endalaust við... Þetta minnir kannski aðdáendur Greys anatomi á hana Izzy... en hafið engar áhyggjur, ég er ekki að drekkja sorgum, baka bara í eintómri gleði ;o)

Hvað á ég að baka næst? (ekki segja "vandræði"!)

Heyrst hefur # Huxast getur !

2007-02-07T13:46:00.000Z

Af götunni:

Beggi á Bakka er kominn á Vík og það stendur til að kveikja í gamla kofanum hans (að hans eigin ósk) og fleiri til... skilst að þetta eigi að vera allsherjar brunaæfing...

Ferskeytlan sem vann keppnina um besta seinni partinn á þorrablótinu um sl helgi hljóðar svo:
Komin öll í sömu sæng
sveitin blótar þorra
Guðný Hrund á vinstri væng
vék frá Grána og skorra

Á þorrablóti var vinnumaður að leita eftir vinnu hjá honum Ragga í Vogi, sem vinnumaður í sauðburði... það hafði víst fylgt aulýsingunni frá Ragga að hún Jóhanna yrði að öllum líkindum í húsunum á þessum tíma!!!

Um komandi helgi er þorrablót á Kópaskeri, Guðný Hrund lofaði að koma með mér (í fyrra), en hún er óvart flutt!

Una er komin í endurhæfingu á Kristnesi.

Únni og Kristján róa með Kjartani kokki... man einhver eftir Kjartani í strumpunum... picture that... Kjartan í strumpunum að kokka úti á sjó!!!

Árni og Erla eru búin að auglýsa húsið sitt til sölu, þrælflott hús, nýuppgert og staðsetningin er á milli heilsugæslunnar og barsins, á móti sjoppunni við Aðalgötuna. Hver ætlar að missa af þessu?

Stína og Hörður eru líka komin með heitan pott á nýja pallinn sinn...

Ný eldhúsinnrétting er á leiðinni heim til Olgu og Ragga.

Tannlæknirinn er á Raufarhöfn þessa vikuna.

Tilboð á Pepperoni osti í búðinni, 100 kr í stað 190 kr.

Jóhanna kennari er aftur komin á markaðinn, svo sem ekkert nýtt!!!

Músagangurinn í skólanum er í rénun... hingað til hafa veiðst 3 mýs, síðan um jól... ein hérna undir borði á kennarstofunni (skræk!)...

Flensuskíturinn hefur ekki enn drepið niður fæti á Riben, enda ekki nokkur viðbjóður sem nær að skjóta rótum í sæluríki...

Merkilegur maður verður á ferðinni á þessum slóðum næsta föstudag... mikil tilhlökkun ríkir í litla kotinu og tiltekt í algleymi ;o) sex og aftur sex °

Tjörnin er botnfrosin, eða á ég að segja tjarnirnar, það er víst hægt að velja í milli þriggja skautasvella hérna... þannig að ungir sem aldnir eru á fleygiferð á skautum í bongóblíðunni; logn, sól og svaka frost ;o)

Í gærkvöldi var stjörnubjartur himinn og tunglið skein látlaust í kyrrðinni og yfir og allt um kring dönsuðu Norðurljósin svo dásamlega fagurgæn sem ballett dansmeyjar og skildu mann eftir agndofa í dásemdinni ;o)

Hugsanir:

Hrafnagil, Svalbarðseyri, Raufarhöfn???? hux hux?? Eða eru fleiri möguleikar í stöðunni... Á maður að raða þessu í tekjulega uppröðun, það besta fyrst... Raufarhöfn... og huxa svo!?!?

Rómantíkin... er hún bara bölvuð tík? Hefur einhver séð hana nýlega?!?!? Norðurljós ókei... þau eru rómantísk, en ég meina þegar tveir koma saman, þar er gaman... og í þannig aðstæðum blómstrar rómantíkin... Einsömul rómantík er bara umhverfi eða aðstæður í fallegri kyrrð...

út á skauta ;o)

Jólin eru víst búin!!!

2007-02-06T10:23:00.000Z

Já já já ókei, ókei... jólin eru löngu búin... veit! og meira að segja þorrinn langt kominn!!!

Talandi um þorrann... búin að fara á tvö þorrablót, bæði í Eyjafirði... Hrafnagil og Svalbarðseyri... skólafélaga og ættingjasamkundur... alveg ágæt blót... en þar sem er ekki almennilegur einka dansari þar er ekki mesta fjörið... þokkaleg blót samt, eitthvað hlegið og dásamlegra kræsinga notið; það jafnast auðvitað fátt á við súra hrútspunga með rófustöppu, nýja sviðasultu, hákarl, laufabrauð, hangiket og fleira fínerí...

Annars er það helst í fréttum að ég tók ísskápinn minn í gegn í gærkvöldi... affrysti og afþýddi græjuna, þreif og þurrkaði... mikið og stórt verk sem að vísu var ekki svo mikið mál þegar maður loksins dröslaðist í það... en hljómar skelfilega leiðinlegt sem gerir það að verkum að þetta er svona eitt af því sem frestast endalaust hjá manni... illu er best aflokið og ég á rosalega flottan ísskáp núna með fínum fínum frysti... Svona tvískipt græja sko ;o) Mæli með þessu... dröslisti nú og þrífið ísskápinn ykkar letihaugarnir ykkar!!!

Og já... tölvan mín er ónýt... EKKI VERSLA YKKUR DÝRA FARTÖLVU... Fyrir tveimur árum keypti ég mér 210.000,- króna DELL fartölvu sem átti að vera sú allra flottasta ennþá eftir 3 ár, STATE OF THE ART... Í dag eru einmitt þessi 3 ár liðin... en hún er ekki lengur sú allra flottasta, nei... hún er ÓNÝT!!! Og núna finnst strákunum í búðinni það allt í einu bara melló ending :-( hmmm... Þannig að ég held að málið sé að bíða í svona eitt ár, þar sem brýn nauðsyn í mitt heimilishald er ekki fartölva og bíða þar til markaðurinn hefur jafnað sig á nýja stýrikerfinu... ég meina þetta nýja "vista" þið vitið! Þannig að maður sé nú ekki að kaupa nýja tölvu sem er svo orðin of lítil fyrir vista eftir eitt ár!!!

En ég náði að bjarga myndunum mínum áður en hún dó... Ert þú búin/n að setja myndirnar þínar á cd... og fara með þær í bankahólfið... ?!?!?! hux hux...

Jólabréfið 2006

2007-01-03T19:45:00.000Z

Jólin 2006

Kæru vinir

Við mæðgur búum enn á Raufarhöfn sem við köllum gjarnan sæluríki því hér er svo gott að vera. Mamman er kennari í skólanum og dóttirin er nemandi hennar. Samkomulagið á milli okkar er mjög gott og því er þessi tilhögun að okkar mati mjög góð og í raun mikil forréttindi að hafa tækifæri á að verja svo miklum tíma saman. Þess vegna ætlum við okkur að njóta þess á meðan er. Stefanía lærði á blokkflautu í fyrravetur , en í ár er hún að læra á píanó og hefur hún mikinn áhuga á því og gengur mjög vel.

Í tilefni þess að mamman lauk kennaranámi sínu síðast liðinn vetur, að sjálfsögðu með dyggri aðstoð dótturinnar, ákváðum við mæðgur að fara saman í útskriftarferð í sumar til Austurríkis og heimsækja gamlar vinkonur. En um árið bjó mamman í Vín og gætti þar lítils drengs sem nú er 12 ára. Við fengum íbúð að láni og bjuggum í næsta nágrenni við dýragarðinn í Vín sem er elsti dýragarður heims. Í nokkra daga fórum við upp í fjallakofa til “ömmu” Dorisar sem dekraði við okkur eins og hún mögulega gat, sigldum um Dóná og lékum okkur á stultum eða spiluðum milli þess sem við busluðum í sundlauginni og lágum í sólbaði. Einhver óprúttinn lét síðan greipar sópa í bakpoka mömmunnar einn góðviðrisdaginn þegar við mæðgur vorum í gönguferð í gömlu Vínarborg, en íslenskur bjargvættur kom með okkur til lögreglunnar þar sem skýrsla var tekin og tryggingarnar brugðust skjótt við þegar heim var komið. Eftir annars ljúfar stundir og 3 vikur í faðmi vina í Vínarborg og nærsveitum fórum við aftur heim á Frón.

Stefanía fór til Hörpu frænku í viku ferðalag og mamman skrapp til Ameríku. Svo fór dóttirin til ömmu og afa á Svalbarðseyri þar sem hún var tvær vikur til viðbótar í dekri og á ferðalögum með ömmu á meðan mamman var áfram í Ameríkunni. Stefanía fékk til dæmis að láni sumarbústað á Illugastöðum. En New York tók annars vel á móti mömmunni en þangað fór ég til að heimsækja Tonio og Sex and the City stelpurnar. Nú og auðvitað voru aðallega verslaðir skór í þeirri ferð, allt í stíl við Carrie Bradshaw og vinkonur hennar og svo þrammað (hlaupið) upp í nára á eftir göngugarpinunum honum Tonio sem þræddi fallega garða og annað sem vert var að sýna mér (þá voru notaðir þar til gerðir gönguskór!). En eftir að hafa borðað ofsalega góðan Malasískan og Víetnamskan mat, spásserað um kínahverfið og hlaupið um í þrumum, hvirfilbyl og rigningu með Tonio var ferðinni haldið áfram til borg englanna (botox land).

Blöðrurnar á fótunum voru ekki alveg nógu heppilegar fyrir glamorinn og dúlleríið í L.A., við vinkonurnar skemmtum okkur samt mjög vel og vorum bara duglegar að kíkja við í Toe Heaven þar sem hendur voru snyrtar og fætur “endurnýjaðir” fyrir nýju fínu skópörin á milli þess sem celebrities voru heiðraðir með nærveru okkar, shopping mollin heimsótt og síðast en ekki síst medical centerið í mollinu!!! Það er jú allt til í henni Ameríku...
Hljómsveitin Sigurrós var með ógleymanlega tónleika í Ásbyrgi í ágúst og þangað fórum við mæðgur og horfðum m.a. á bjargvættinn okkar síðan í Vín spila með hljómsveitinni í drauma umhverfi, afburða hljómburði og blíðskaparveðri. Því næst fórum við á Unglingalandsmótið á Laugum og áttum saman góða stund í útilegu með vinum og ættingjum. Þar kviknaði nú ástin á meðal fleiri en unglinganna (og á þessi klausa ekki við um móðurina títt nefndu í þessu bréfi!!!)

Það var síðan gott að koma aftur heim í sæluríki um miðjan ágúst og njóta þess sem eftir var af sumarfríinu. Fyrir utan smá “tæknileg mistök”, a.m.k. einhvern “mis-reikning”. Ég nefnilega reiknaði með því að vera orðin svo mikill göngugarpur, eftir allar þær gönguferðir sem farnar voru í sumar vítt og breitt um heiminn, að mig munaði ekkert um eina 30 km gangandi þvert yfir Melrakkasléttu til viðbótar... í einum rikk!!! Sumsé... Í ljós kom að mig munaði verulega um þessa 30 km... eftir um 16 km var ég að hugsa um að húkka björgunarsveitarbílinn sem átti þá leið um... en nei nei auðvitað ekki!!! (pabbi kallar þetta að ganga á þrjóskunni – og bætir við að á t.d. svona stundum geti þrjóskan bókstaflega drepið mann!) Nú en svo var ég gersamlega búin á því eftir 20 km... þá tók við að hlaða öllum búnaði yfir á frænda (sem féll í ástina fyrrnefndu... fyrir hvern var ég aftur að fara í þessa gönguferð!!! Hmmm...) og svo bara taka eitt skref í einu og anda inn, anda út... rólega... einn fótur fram fyrir hinn... úff!!! Þetta hafðist alla leiðina heim í rúm með hjartaverkjum og tilheyrandi... En eins og maðurinn sagði... það sem ekki drepur mann, styrkir mann! Og verið óhrædd að skella ykkur með í sléttugönguna í ágúst 2007, sting bara upp á því að tjalda á leiðinni og taka eina tvo þrjá daga í þetta ;o) hihi...

Bestu óskir um gleðileg jól og
gæfuríkt komandi ár
með þökkum fyrir hið liðna

Jóhanna Dögg & Stefanía Sigurdís

Frændsystkinapartý þriðja í jólum :-þ

2006-12-13T14:58:00.000Z

Þá er það ákveðið... frændsystkinapartýið verður heima hjá Kristínu... þið vitið hvar hún býr ;o) þann 27. desember klukkan 20:00... Þið mætið eins og venja er með eitthvað gott í gogginn og svo spilum við örugglega eitthvað skemmtilegt spil eins og okkar er von og vísa...

og höfum GAMAN af ;o)

Hlakka til að sjá ykkur...

´till ðenn...

ciao ciao

Aðventuhátíð í ljósabænum

2006-12-06T19:43:00.000Z

Já komiði sæl og blessuð ;o)

Ég var að koma af aðventuhátíð sem var eins og vant er hér í kirkjunni okkar á Raufarhöfn. Börnin voru með helgileikinn og svo var auðvitað hefðbundin dagskrá, svona eins og gerist og gengur. Þetta tókst að sjálfsögðu mjög vel til hjá þessum elskum, enda ekki við öðru að búast...

Jólaljósin eru vel flest ef ekki öll komin á sinn stað í þorpinu... ljósadýrðin er engu lík... alveg einstakt hvað fólkið hérna er duglegt að skreyta hjá sér, allt hátt og lágt með ljósum og alls kyns fígúrum og dúlleríi... uppi á húsunum sínum eða allt í kringum þau, uppi í Ásnum fyrir ofan húsin og svo er sveitarfélagið búið að skreyta allt sem hægt er að skreyta að utan sem er eign þess... skólann, félagsheimilið, ljósastaurana, blokkina (sem er eign sveitarfélagsins) og bara fullt fullt... alveg frábært og svo gleðilegt eitthvað ;o)

Ég var svo rétt í þessu að ljúka við 13. skiptið sem ég kenni útlendingunum hérna íslensku... Allir nema ein kona eru frá Póllandi og þau eru alveg frábær... miklir húmoristar og gaman að þessu...

Það er jólahlaðborð hérna á Hótel Norðurljósum í Sæluríki um næstu helgi, svona ef ykkur langar til að skella ykkur í heimsókn, ég hef ekki planað neitt ennþá ;o) Hér er allavega gisting, góður félagsskapur og ofsalega góður matur... þið bara látið í ykkur heyra :-Þ

**

Alger snilld

2006-12-04T16:33:00.000Z

Jæja þá er ég enn einn mánudaginn á kafi í vinnu. Mánudagar eru strembnastir hjá mér... mesta kennslan, kennarafundur, undirbúningur heimanáms, skrifa fréttabréf og í lokin kenni ég útlendingunum á staðnum íslensku. Jamms... engin lognmolla yfir mánudögunum hjá mér...

En ég var á Þórshöfn um helgina og skemmti mér konunglega... Fékk fíneríis mat sem Arnar skólastjóri staðarins töfraði fram af sinni alkunnu snilld, þá tók leikfélagið við og maður missti næstum í brækurnar af hlátri og tilheyrandi krampaköstum sem honum fylgdi... Borðfélagar mínir voru eðalfólk frá Gunnarsstöðum í Þistilfirði... Semsagt... gat bara ekki verið betra... Og svo auðvitað rúsínan í pylsuendanum... ég dansaði við besta dansfélaga sem fyrirfinnst hér norður í Hvergilandi... Mikið gaman og mikið fjör...

Uppáhalds leikarinn minni klikkaði ekki og salurinn trylltist hreinlega þegar hann kom á sviðið og lét ljós sitt skína fyrir framan áhorfendur og aðdáendur hans tjáðu mér að hann klikkaði bara aldrei ;o) hehe... og ekki klikkaði hann í þetta sinnið... Það var BARA gaman, bíð spennt eftir 1. des á næsta ári... En núna var leikfélagið semsé með frumsamið sakamálaleikrit og voru svo sniðug að skálda ekki upp karakterana í leikritið heldur notuðust við vel þekktar og margrómaðar persónur af staðnum ;o) með viðeigandi kækjum og persónueinkennum...

Gott ráð: Ekki missa af 1. des hátíð á Þórshöfn árið 2007 ;o)

1. desember hátíðisdagur

2006-12-01T12:56:00.000Z

Til hamingju með daginn Íslendingar ;o)

Við vorum með ofsalega fína dagskrá hérna í Grunnskólanum á Raufarhöfn í tilefni dagsins. Yngstu börnin (nemendur mínir 17 í 1. - 4. bekk) voru með sögu og leikþátt um skjaldarmerki íslenska ríkisins; landvættina og fánann. Þetta tókst alveg ofsalega vel til hjá þeim og var virkilega gaman. Síðan voru hinir með fréttir frá árinu 1918, spurningar og svör um málefni tengd fullveldinu, grýluleikrit, sýning á handverkum nemenda, söngur og fleira... svo fengu allir kakó og smákökur á eftir...

Í kvöld er pólskt spákvöld á Félaganum, óheppin þið sem missið af því... það verður spáð í sápu og alls kyns fínerí :-) hihi... að vísu sérstaklega hentugt fyrir einhleypinga, þannig að ég kem til með að stoppa stutt við!

Ég hlakka annars mikið til þess að fara á leiksýningu annaðkvöld á Þórshöfn, þar mun ég sjá uppáhalds listamanninn minn á sviði leiklistar tjá sig í gervi þýskrar konu... veit ekki meir um heiti leikritsins eða innihald þess, en skal segja ykkur nánar frá því eftir helgina ;o)

Svo verð ég að láta eina góða uppskrift af ávaxtakökujólu fylgja með þessu bloggi (að sjálfsögðu fattaði ég ekki upp á þessu, enda ekki mikill snillingur á baksturssviðinu og eins og vinir mínir vita er aldrei til neitt sem Bakkus fílar á mínu heimili..!) en reynið þetta endilega og njótið ;o)

Í tilefni af nýju hrærivélinni minni ætla ég að deila með ykkur þessari uppskrift, fylgja leiðbeiningunum nákvæmlega og kakan verður alveg súper...

1 bolli vatn

1 bolli sykur

4 stór egg

2 bollar þurrkaðir ávextir

1 teskeið bökunarsódi

1 tsk salt

1 bolli púðursykur

1 bolli sítrónusafi

1 bolli hnetur

1 FULL flaska af Grand

Smakkið Grandið til að vera viss um að það sé ekki skemmt. Takið stóra skál. Athugið Grandið aftur til að vera alveg viss um að það sé ekki skemmt. Hellið í einn bolla og drekkið. Endurtakið.

Kveikið á hrærivélinni, hrærið 1 bolla af smjöri í stóra, mjúka skál. Bætið 1 teskeið útí og hrærið aftur. Athugið hvort Grandið sé nokkuð farið að skemmast, fáið ykkur annan bolla. Slökkvið á hrærivélinni.

Brjótið tvær skurnir og bætið í skálina og hendið út í bollanum af ávöxtunum. Hrærið á kveikivélinni. Ef þurrkuðu ávextirnir festast við hrærarrarna losið þá þá af með rúfskjárni.

Bragðið á Grandinu til að athuga magnið. Næst, sigtið 2 bolla af salti. Eða einhverju. Hverjum er ekki sama. Athugið Grandið. Sigtið sítrónusafann og teygið hneturnar. Bætið einu borði... skeið... af sykri eða eitthvað. Hvað sem þú finnur nálægt.

Smyrjið ofninn. Stillið kökuformið á 250°. Gleymið ekki að hræra í stillaranum. Hendið skálinni út um gluggann. Athugið Grandið aftur.

Farið að sofa. (Finnst nokkrum hvort sem er ávaxtakökur góðar?)

Góð blaðamennska !

2006-11-29T12:25:00.000Z

Í Fréttablaðinu á dögunum birtist grein þar sem nokkrar "cappuccino-sötrandi miðbæjarrottur" (eins og það var orðað) sátu saman á kaffihúsi og skröfuðu um "mestu krummaskuð Íslands"...

Þar á meðal "þóttist" einn þeirra hafa komið við hér á Raufarhöfn og sagði að hótelið minnti helst á frystihús og að það hafi að hann minnti verið gluggalaust. Þar að auki talar fólkið sér mállýsku sem aðrir landsmenn skyldu ekki...

Þannig að ef þið ætlið að heimsækja mig einhvern daginn, þá munið bara eftir olíulömpunum svo að þið sjáið handa ykkar skil á hótelinu (því að þið yrðuð að sjálfsögðu að prófa að gista á frystihúsi í eins og eitt skipti) og þar sem ég hef búið hér í rúmt ár get ég séð um að túlka fyrir ykkur ef þið hafið einhvern áhuga á því að blanda geði við fólkið hérna...

En... svona að öllu gamni slepptu... ýkjum og bulli!!! Þá velti ég því fyrir mér hvort þetta sé það sem menn og konur sem ljúka fjölmiðlanámi frá Háskóla Íslands eða öðrum góðum stofnunum finnst spennandi að verja vinnutíma sínum í... Er virkilega verið að borga svona blaðamönnum laun?! Og svona án gríns... er fólk ekki vaxið upp úr þessari vitleysu! Ég svona rétt næ að hneykslast aðeins pínulítið á þessari grein (og það var einhver vitleysa nefnd um mörg önnur "krummaskuð" heldur en bara Raufarhöfn í blaðinu), en helst hugsa ég út í þetta... hver er blaðamennskan í þessar grein, hvar er metnaðurinn, af hverju að verja orku, viti og menntun í svona og hver borgar þessum blaðamanni laun... síðast en ekki síst, hver nennir að tala um svona þvælu!??

En þið hafið eflaust skiptar skoðanir á þessu... þar til síðar... óver end át...

Helgarferð til Akureyrar...

2006-11-27T20:50:00.000Z

Við mæðgur fórum heim til mömmu og pabba um helgina. Harpa kom líka að sunnan og planið var að leggja í einhverjar framkvæmdir í húsinu, en það er óvíst hvort nokkru verði við bjargað! Mamma var sniðug að nota tækifærið og láta okkur bara aðstoða sig við ritgerðarsmíð í staðinn þar sem hún er núna að drukkna í verkefnaflóði og áhyggjum fyrir prófundirbúning. Þetta er svona nóvember-syndrome eins og margir námsmenn kannast við. Ég var einmitt að rifja það upp hvernig ég var sjálf í þessum mánuði á undanförnum árum... ég sé mig fyrir mér sem eldspúandi dreka! jámm... held að mér sé rétt líst þannig í algleymi verkefna- og prófatíðar... Eru ekki fleiri sem kannst við svona álíka tilfinningu?

En það var heldur betur nóg að gera og ég hefði alveg getað notað meiri tíma á Akureyri við að útrétta og gera hluti sem mig langaði til að gera. Þá vil ég bara biðja þá sem ég náði ekki að heimsækja afsökunar á því... en svona er þetta bara... þið hugsið bara út í það hvernig þetta er þegar maður skreppur til höfuðborgarinnar yfir helgi!!! þannig er þetta orðið hjá mér þegar ég skrepp úr sveitinni inn á Akureyri!!! hehe... maður bara nær einfaldlega ekki að gera helminginn af því sem var á planinu!

Óveður og tiltekt !

2006-11-14T14:29:00.000Z

Jamm og já... það fór ekki eins vel og ég vonaðist til á föstudaginn... það var orðið það slæmt veðrið þegar ég kom heim úr vinnunni og spáin svo tvísýn að ég varð bara að gjöra svo vel og halda mig heima fyrir :o( En ekki er allt svo með öllu illt að ekki boði nokkuð gott eins og einhver mjög vitur kona hlýtur að hafa látið út úr sér fyrir margt löngu! Jújú eins og ykkur grunar, þá fór ég í tiltekt... tiltekt í þessu sem liggur alltaf á hakanum hjá manni og ég held mér hafi bara tekist að fylla rúmlega svartan ruslapoka af drasli, þannig að holið og herbergið hennar Stefaníu minnar tók stakkaskiptum og er orðið alveg ofsalega fínt og notalegt... og hreint ;o) Þannig að helgin nýttist bara nokkuð vel verð ég að segja, þó að þetta hlutskipti hafi að sjálfsögðu ekki verið efst á óskalistanum yfir "what to do over the weekend"!!! En það er náttúrulega ekki alltaf hægt að fá allt sem maður vill... Þrjár síðustu helgar hafa verið svo frábærar, þannig að það flokkast að sjálfsögðu bara undir frekju að ætlast til þess að vera í tómri sælu allar helgar!!! Nú og veðrið tók svo völdin af manni í gær, mánudag, og urðum við að aflýsa skólanum hér í sæluríki. Þá bættist nottla bara við enn einn dagurinn í tiltektaræðinu mikla og nýttist nokkuð vel líka verð ég að segja ;o)

Að frétta... að frétta... je minn... held það sé nú ekki svo mikið um að vera að það sé í frásögur færandi!!! Nema fréttir af tiltekt!!! Endilega segið þið mér fréttir... ekki af tiltekt samt!!!

koma svooo...

Flóð og fullt tungl !

2006-11-10T12:02:00.000Z

Það er nú ekki eins og ekkert sé um að vera í kringum mann þó að lítið sé um bloggið!!!
Mamma og pabbi skelltu sér hingað austur til mín um sl helgi og áttum við saman notalega kvöldstund með stórkostlega dásamlegum mat, en á hótelinu hérna á Raufarhöfn var villibráðahlaðborð. Úrvalið var náttúrulega ævintýralegt og allur þessi matur bragðaðist undursamlega. Mæli með því að allir reikni með því að mæta á villibráðarhlaðborð að ári liðnu.

Þegar mamma og pabbi komu heim í kotið sitt var það á floti. Eða eins og Valbjörn brandarakarl orðaði það; "þau gömlu aldeilis flott á því, bara komin með sundlaug í kjallarann eins og ríka fólkið"!!! Bara ef það hefði nú verið svo gott... En já, öll Svalbarðseyrin var á floti... fólk óð upp að læri í sjó og þar sem húsið er í sömu hæð og gatan getið þið rétt ímyndað ykkur "dásemdina" sem tók við þegar foreldrar mínir komu inn í húsið sitt rétt fyrir hádegi á sunnudag, en þau lögðu eldsnemma af stað heim á leið... svo snemma að ég gat varla vaknað til að kveðja þau!!!

Margt góðra manna og kvenna hafa hjálpað þeim í þessum hörmungum. Fyrst á svæðið var slökkviliðið og svo var auðvitað Birkir bróðir og að sjálfsögðu amma og afi og hinar hjálpsömu systur móður minnar sem mættu vösk á svæðið... Það er búið að moka öllu út af neðri hæðinni og henda... og henda og henda... og henda meira... dót, myndir, húsgögn, frystikista og fleira... og fleira...

Hitablásararnir eru nú í óða önn að vinna við að þurrka upp neðri hæðina með von um að hægt sé að ráðast í að mála og græja til þar og gera fínt fyrir jól.

Svo er önnur lægð á leiðinni yfir landið í þessum skrifuðu orðum, skilst að hún hafi byrjað yfirreið sína á suðurlandinu og sé nú komin í Húnavatnssýslurnar... spurning um að drífa sig bara heim og loka á eftir sér og vera þar um helgina, eða þar til veðrið hefur gengið yfir... nema maður skreppi í bíltúr til Þórshafnar og lokist inni þar um helgina... það væri nú ljúfara ;o) hihi...

Farið varlega og látið náttúruna ekki leika á ykkur!

Villan bendir á fjölskylduna ;o)

2006-10-09T19:36:00.000Z

Já hún Villa kom með svo góða hugmynd... auðvitað að fjalla um fjölskylduna ;o) Ég á stóra og skemmtilega fjölskyldu sem inniheldur mis skrýtna furðufugla... Við höfum núna í nokkur ár hisst milli jóla og nýárs á frændsystkinakvöldi og spilað saman, sagt nokkra brandara og étið okkur út af vel útilátnum jólaréttum... Þessi kvöld eru aldrei leiðinleg, það bara er ekki hægt... Það er því MIKIÐ hlegið sem kemur sér vel fyrir magavöðvana í algleymi jólaúttroðslunnar! Hún Kristín er til dæmis algerlega óborganleg, það er enginn eins og hún... og hún er ekki einu sinni að reyna að vera fyndin... hún er bara hilleríus... Og svo er það fíflið hann bróðir hennar... Valbjörn danmerkurfari... Ég ætlaði að setja inn mynd af honum því að þá mynduð þið skilja hvað ég væri að meina, en myndaforritið er eitthvað að stríða mér...

Frændsystkin... lumið þið ekki á góðum sögum af okkur, hvert öðru ;o) hmmm... kommon commenta á það... Svo koma myndirnar, hehehehehe... ;o)

óver end át...

Át vírus fjölskyldumyndirnar þínar?

2006-10-07T15:00:00.000Z

Í vikunni fór tölvan mín að óhlýðnast mér... það kviknaði ekki á henni þegar ég vildi að hún kveikti á sér, a.m.k. kviknaði ekki á skjánum! Eftir nokkuð margar tilraunir í fyrradag var ég vægast sagt farin að hafa áhyggjur af öllum myndunum sem vistaðar eru í tölvunni, allar minningarnar...

Í dag gerði ég síðan enn aðra tilraunina og viti menn... það kviknaði á öllu... og ég notaði tækifærið og brenndi ALLAR myndirnar mínar á diska ;o) Mikill rosalegur léttir er nú að hafa afrit af öllum myndunum á diskum.

Ert þú með allar myndirnar þínar á diskum líka, eða eru þær BARA í tölvunni þinni? Mun vírus kannski éta myndirnar þínar, eða hrynur tölvan einn góðan veðurdag og þar með glatast minningarnar!!! púff... Afrita allar myndir á diska NÚNA!

Annars þá var ég með kjöt og karrý í hádegismatinn handa okkur mæðgum. Hún Stefanía mín er svo ofsalega hrifin af þessum mat sem bæ ðe vei heppnaðist mjög vel hjá mér ;o) Ég hef samt heldur viljað nota súpukjötið í kjötsúpu, en það eru ekki allir jafnhrifnir af kjötsúpu á heimilinu! Því miður... Nema Erla amma gerir kjötsúpu sem dóttir mín samþykkir ;o) Þarf að æfa mig í að gera svoleiðis súpu...

Svo fór maður nottla í ræktina í gær... við hituðum upp og svo tók ég stelpurnar (Olgu og Lindu) í nokkrar góðar rassaæfingar... er það ekki aðalmálið hjá okkur... pumpa rassinn og brjóstin upp og stinna magavöðvana! hmm...

Á ég að segja stöð 2 upp?

*****

Blogg-andinn!?!?

2006-10-06T10:30:00.000Z

Veit einhver hvað varð um blogg-andann? Þannig er að ég er alltaf að bíða eftir því að blogg-andinn komi yfir mig og og og og ..... svo kemur bara díííííííííííí..... og ekkert gerist!!! Það er einhver svaðaleg ritstífla í gangi nú í haust. Ég hef bara ekki haft gaman af því að blogga um neitt sem ég hef bloggað um!!!

Hér með auglýsi ég eftir blogg-andanum með von um að hann komi yfir mig og losi um þessa ritstíflu sem ég hef þjáðst af!!!

Ekki það að ég geti ekki skrifað alveg endalaust... um ekki neitt svosem... það bara hefur ekki verið gaman! Og það á að vera gaman að blogga! Kannski ég fari bara að skrifa smásögur hérna! Tillögur að efni óskast... í smásögu eða bloggfærslu!!!

Þið hin sem bloggið... hrjáir þetta ykkur líka???

Megrun sem svínvirkar!

2006-10-03T19:05:00.000Z

Já ég er nefnilega með vísbendingu til þeirra sem langar til að tæta af sér nokkur kíló... Þannig er að ég fékk þessa snilldar hugmynd um daginn að sneiða hjá matvörum sem innihalda ger og sykur... Það er nefnilega næstum því allt í matvöru sem inniheldur þetta tvennt... Hugmyndin var nú ekki með það í huga að léttast, heldur eins og ein vinkona mín orðaði það "að lifa heilbrigt" og því fylgir auðvitað að fara í reglulegar gönguferðir hér um náttúruna í sæluríki ásamt ferðum í ræktina til að styrkja sig. Mér fannst ég ekki þurfa að léttast, en nú hefur það gerst og vinkona mín tilkynnti mér í dag að ég yrði að passa mig því ef ég léttist meira þá yrði það bara ljótt!!!

Þannig að ég er búin að liggja yfir því hvernig ég geti borðað meira af ger- og sykurlausum vörum og einhverntíman fékk ég ábendingu um að ég þyldi illa glútein (einhver heilsu krukkari í Hafnarfirði!)... Og ég er búin að finna flotta brauðuppskrift sem er glúteinlaus, gerlaus og sykurlaus... er svo farin að hakka í mig hnetur sem eiga að vera fitandi og já ég spara sko ekki rjómann út í kaffið og út á skyrið... Í pottinum á eldavélinni minni er hnausþykk grænmetissúpa að malla með gerlausum grænmetisteningi og fullt fullt af gúmmelaði...

Þetta hlýtur að koma í veg fyrir frekara kílóatap, því að kona á mínum aldri má að sjálfsögðu ekki horast um of... ó mæ god... þá færi maður bara að fá hrukkur og ullabjakk... hehe...

Og þar sem ég er ekki í borg englanna núna að þá er þetta ekki einfaldlega að droppa inn í medical center og fá sér nokkrar botox sprautur í andlitið svona um leið og verslað er í matinn eða keyptur nýr kjóll! Jú jú þannig er þetta og ég er sko ekkert að ýkja. Ég var ekki bara í Austurríki í sumar, heldur kom ég líka við í henni Ameríku. Var viku í borginn sem aldrei sefur og 3 vikur í borg englanna. Það er sama hvað fólk er að bralla þarna, t.d. kaupa sér sólgleraugu... þá er þeim hinum sama í leiðinni boðið í botox partý!!! Í mollinu þar sem ég verslaði nokkrar fínar flíkur (þ.á.m. gallabuxur sem ég komst í fyrir nokkrum dögum!!!) er svona medical center sem býður upp á þessa "fínu þjónustu"... sprauta ca. 50 sprautum í andlitið... í grófum dráttum er þetta einhverskonar eitur (rottueitur) sem sprautað er í andlitsvöðvana (sem eiga það til að hrukkast með aldrinum) þannig að þetta eitur lamar vöðvana og um leið sléttist úr þessum hrukkum...

Vinkona mín lét verða af þessu og þegar þetta fór að virka á 3ja degi þá bara gat hún ekki lengur verið reið... það komu engar "reiði-hrukkur"!!! hahaha !!! Þannig að kannski fyndist nú bara einhverjum eiginmönnunum fínt að senda kellingarnar sínar í svona botox sprautur... þær myndu allavega ekki líta út fyrir að reiðast meira !!!

Lifi hrukkurnar ;o) víva...

****

október - hrútasýning & kjötsúpa !

2006-10-01T11:05:00.000Z

Við mæðgur komum aftur heim í sæluna heilar á húfi eftir tannsaferð Stefaníu sem gekk stórslysalaust fyrir sig. Hún fékk tvö spor þar sem klippt var á varahaftið og stóð sig eins og hetja. Stefaníu fannst þetta í rauninni allt mjög spennandi, enginn kvíði, bara hugrekki ;o)

Í gær var svo hrútasýning hér á Riben og ég skellt mér auðvitað á sýninguna, margir fallegir hrútar á ferðinni! Svo var kjötsúpa á boðstólnum sem ég lét að sjálfsögðu ekki framhjá mér fara... kjötsúpa fer ekki fram hjá mér!

6. - 10. bekkur var með kaffihús í skólanum sem heppnaðist ofsalega vel. Þau buðu upp á kaffi og djús ásamt kökusneiðum og muffins, einnig seldu þau tertur og muffins. Þau voru mjög ánægð með daginn og höluðu inn peningum í ferðasjóðinn sinn, en þau eru á leiðinni í skólabúðir.

Sólin skín og veðrið er yndislegt hér og klukkan ekki nema 11:00 á sunnudagsmorgni. Spurning um að drífa sig út í göngutúr. Ég og tvær vinkonur mínar hérna erum byrjaðar í ræktinni, fórum sl miðvikudag í fyrsta sinn. Þær kunna auðvitað á systemið hérna, en ég var svona meira að skoða og prófa... hjólaði í 8 mínútur og puðaði í einar 20 mínútur... verð duglegri í næstu ferð ;o) svo er nauðsynlegt að stunda gönguferðirnar líka, þær eru svo frískandi fyrir bæði líkama og sál.

Ég var aldrei búin að segja ykkur frá því að ég útskrifaðist formlega frá kennaraháskóla Íslands í júní síðast liðnum! Nú ég bauð engum vegna þess að ég stakk af með dóttur mína til Austurríkis þar sem við
áttum saman yndislegt frí í 3 vikur. Ég bjó þarna fyrir 10 árum í eitt ár og við heimsóttum vinkonur mínar og fjölskylduna sem ég bjó hjá. Það var bara eins og ég hafi verið þarna viku áður, við vinkonurnar höfðum ekkert breyst. En við gerðum með okkur samning þess efnis að ef við kæmum til með að gifta okkur þá myndum við heimsækja hverja aðra... og hún Uschi varð fyrst til og þetta hitti svona skemmtilega á að ég var að útskrifast og hafði hellings "afsökun" til að skella mér og standa við minn hluta samningsins ;o)

Jæja... nóg í bili... meira síðar...

*

Villan á afmæli í dag!

2006-09-27T19:07:00.000Z

Já Villan á afmæli í dag og vil ég sérstaklega óska frænku til hamingju með daginn ;o) Í gær átti svo önnur frænka okkar afmæli, hún Ásdís, og vil ég líka óska henni til lukku með sinn dag ;o) Og sonur hennar var daginn þar áður, eða 25. september - Til lykke ;o) Svo sniðugt þegar börnin fæðast svona daginn fyrir afmælið manns - hehe...

Fyrir rúmu ári síðan tileinkaði ég systur minni fínu og löngu bloggi, en hún varð "dirty one" fyrir nokkrum dögum síðan, eða þann 22. september. Þeir sem vilja rifja upp og sjá myndir geta vafrað hér aftur í tímann um eitt ár og kíkt á færsluna sem ég setti inn þá. En elsku systir til hamingju með daginn um daginn ;o)

Svo átti hún Tinna vinkona mín afmæli þann 21. september ;o) Hún fæddist akkúrat mánuði á undan mér ;o) hehe...

Það mætti halda lengi svona áfram... en ég ætla að staldra hér við með afmælisdaga-upptalningu!

Við mæðgur þurfum að skreppa til Akureyrar á morgun... þá skellir maður sér í viðhald og áður en við keyrum aftur heim í sæluna á föstudag fer Stefanía mín í "klippingu" hjá tannsa! Jamms... Fullorðins-tennurnar kusu sameiningu og þá þarf að klippa á borðann! Sem sé klippa varahaftið...

Nú, hér í sælunni er allt að gerast um helgina... Á laugardaginn er kirkjuskóli klukkan 11:00, brúðuleikhús og fleira skemmtilegt. Hrútasýning verður í reiðhöllinni klukkan 14:00 (minnir mig!). Nemendur 6. - 10. bekkjar bjóða upp á alþrif og bón fyrir bíla á 2.500,- kall (sem er nottla ekki neitt - algert kostaboð fyrir bílaböðla!) og svo er kökubasar í skólanum. Krakkarnir eru að safna sér fyrir skólabúðum sem þau fara í á Kiðagili í Bárðardal núna í október.

Come on dance with me !!!

***************************

Heimskautsgerði á Raufarhöfn

2006-09-24T18:45:00.000Z

Hafnar eru framkvæmdir á Heimskautsgerðinu á Raufarhöfn sem á sér hvergi fyrirmynd í heiminum. Þetta er mjög spennandi verkefni og ég hlakka mikið til þegar allt grjótið er komið á sinn stað og allir dvergarnir fluttir hingað í sæluna. Nokkrir af dvergunum hafa nefnilega verið að gera það gott í Hringadróttinssögu, en von er á þeim í nýju heimkynnin mjög fljótlega. Gandalfur er líklega sá frægasti, en þeir eru um 72 talsins og hafa hingað til haft mismikið að gera, all margir hreinlega atvinnulausir!

Það var á jafndægrum, í gær 23. september, sem fyrstu grjóthleðslunni í Heimskautsgerðið var komið fyrir á sinn stað. Af þessu tilefni var sérstök athöfn í félagsheimilinu hér á Raufarhöfn þar sem ýmsir fyrirmenn og fyrirkona fluttu erindi og létu ljós sitt skína og lýstu yfir ánægju sinni á verkefninu.

Turtildúfurnar heimsóttu Raufarhöfn af þessu tilefni og þau eru alveg sjúklega sæt saman. Stelpurnar þeirra skemmtu sér líka mjög vel um helgina og áttu góða stund saman með öðrum stelpum á sama aldri hér á Riben.

Elskum, njótum og lifum ;o)

Maí !

2006-09-04T19:24:00.000Z

Síðasta blogg færsla er síðan í apríl, auðvitað skömm að því! En ég ætla að reyna að bæta ykkur það upp sem kíkið hérna inn til mín stöku sinnum. Ætli það hafi ekki verið sauðburðurinn í Vogi sem kippti blogg færslunum úr sambandi í vor, en ég var svo heppin að komast í sauðburð og þeir sem þekkja mig eru búnir að fá að heyra hversu yndislega frábært mér fannst þetta allt saman. Ég er að sjálfsögðu vön sveitastörfum, en hef ekki haft tækifæri til að taka þátt í þeim svo teljanlegt geti talist í allt of langan tíma! Þannig að ég ætla bara að leyfa ykkur að sjá nokkrar myndir síðan í sauðburðinum í vor.

Jæja, mér tókst að koma inn myndum. Þær voru ófáar kindurnar sem þurftu á aðstoð að halda, líklega lélegt burðarár! Svo sjáum við Stefaníu mína fylgjast með Jóhanni bónda marka og merkja lambgreyin og henni leist skiljanlega ekkert mjög vel á það. Þessar tvær síðari myndir gætu verið nefndar "stund milli stríða", en það komu fáar slíkar stundir á þeim tveimur vikum sem ég stóð mína pligt frá hádegi fram á kvöld. Dásamlegt að vera svona á kafi í sauðburði, væntanlega ekki allir sem skilja það, en það er allt í lagi, ég skil það... Og það sem meira er að ég held að Stefanía mín skilji það líka ;o) Og vil ég bara opinberlega þakka hjónunum í Vogi, þeim Jóhanni og Þórunni, fyrir að leyfa mér að taka þátt í þessu hafaríi með þeim í síðasta sauðburði búskapar þeirra. Þau munu bregða búi núna í haust og flytja til Akureyrar. Við mæðgur munum sakna þeirra mikið næsta vor...

****************************************************

Yndisleg helgi

2006-04-02T20:12:00.000Z

Við mæðgur höfum átt yndislega helgi saman... þrjú kvöld í röð erum við búnar að elda góðan mat saman og hafa það virkilega notalegt... Stefanía er orðin snillingur í að búa til salat og gerir besta salat í heimi... ég hef séð um að elda annaðhvort fisk eða kjúkling og það er búinn að vera besti fiskur og kjúklingur í heimi og já vel borðað af þessum góða mat okkar ;o)

Nú og svo erum við búnar að ákveða utanlandsferðina í júní, við förum til Vínar eins og ég hef nokkrum sinnum nefnt hérna... Ursula vinkona mín er að gifta sig... Nú en það er ekki upptalið hjá mömmunni, ég ætla að ferðast meira og víðar um heiminn ;o) Það verður BARA gaman og að öllum líkindum kemur góð vinkona mín með í þessa ferð... bara gaman...

Hér er ýmislegt brallað... mikið leikið úti og líka eitthvað inni, kirkjuskólinn er annan hvern laugardagsmorgun, messa, sund, heimsókn, tiltekt og þvottur þveginn... sól og brosandi vinir um allt... sumarið er á næsta leyti... það er geggjað frábært...

knús...

PáskaFRÍ frí fRí ;o)

2006-03-31T17:40:00.000Z

Það er ekki nóg með það að ég fái maaaaargaaaar vikur í sumarfrí, heldur fæ ég tvær vikur í páskafrí sem er alveg að verða að veruleika, að ógleymdu liðnu jólafríi... Sumir kennarar segja þrjár ástæður liggja að baki því að hafa valið kennarastarfið, sumsé; jólafrí, páskafrí og sumarfrí... hehe... Og já ég held bara að ég sé farin að skilja þetta núna... því að vááá hvað þetta er mikill lúxus og mikið svakalega var ég sniðug að hafa skellt mér í þetta kennaranám ;o)

Stöð 2 er að hraðspóla "Bold and Beautiful" fram um tvö ár og ný sería byrjar á mánudaginn... svei mér þá ef þetta hljómar ekki bara spennandi! Ég næ stundum svona einum þætti á viku og það nægir til að halda þræðinum, eiginlega þá er það jafnvel of mikið, þannig að mánudagsþátturinn gæti orðið bara fínn - Bobby í Dallas verður meira að segja meðal nýrra leikenda í þáttaröðinni ;o) ásamt fleirum...

Lífið í sæluríki gengur sinn vanagang innan um vini og kunningja, samstarfsfólk og nemendur... Undirbúningur fyrir árshátíð er í algleymingi og mun næsta vika (þemavika) vera undirlögð árshátíðarþemanu "Það sem áður var" (fyrir 1950)... Mínir krakkar (1. - 3. bekkur) verða með Búkollu í ljóðrænu formi, flytja það til skiptis og leika með... þau eru vatn, fugl, karl og kerling, karlsson, búkolla, skessan, litla skessa, nautið, bálið, fjall, gras og tré... mikið gaman og mikið fjör ;o)

Um páskana verður a.m.k. farið í fermingarveislu hjá systir pabba, slappað af og svo slappað aðeins meira af. Ég fékk tilboð um að skreppa til Spánar með vinkonu minni, en það gengur ekki alveg upp, þó ég fegin vildi vera stödd í geggjaðri matarmenningu einhversstaðar á rómantískum og heitum stað úti í heimi... vóóó... hver væri ekki til í það, hehe... Ó já og á meðan ég man þá eru systkini mín þessa stundina bæði að sleikja 23 stiga hita í Barcelona... úff greyin!!!

En ég ætla til Vínarborgar í sumar ásamt henni Stefaníu minni og það verður sko geggjað, eins og ég sagði hér áðan þá fæ ég laaaaangt sumarfrí og þá er bara að vera leeeeengiiiii í útlöndum ;o) hehe...

Það sem setur smá bobb í ferðaskipulagið er að mér er boðið í 3 brúðkaup í sumar sem ég veit af enn sem komið er; Vínarborg, Færeyjar, Kópavogur... En það leysist eflaust farsællega eins og annað í lífinu ;o)

En gleðilegt Idolkvöld elskurnar mínar... Nú eru aðeins þrjár stjörnur eftir á sviðinu; Ína Besta, Snorri næstBesti og Bríet Sunna næstnæstBesta... úff eða ruglaðist ég eitthvað í uppröðuninni... jæja, það kemur í ljós... (áfram Ína) ;o)

† Minning Sesars Þórs

2006-03-07T17:46:00.000Z

Sesar Þór Viðarsson lést í bílslysi á Akureyri laugardagsmorguninn 4. mars 2006.

Á þessari slóð er að finna heimasíðu sem systkini Sesars Þórs settu upp í minningu hans http://www.blog.central.is/sesar_thor

† Í minningu um góðan dreng †

Myndir á vefnum...

2006-02-08T15:08:00.000Z

Halló halló... alltaf gaman að blogga þegar maður er svona skrif-andlaus! Jú víst... það getur hent mig... alveg eins og þig... hahaha!

En hérna á þessari slóð getur þú fundið myndir af t.d. mér ;o) http://raufarhofn.is/default.asp?sid_id=3978&tre_rod=002&tId=2&title=Fréttir

Myndirnar sem ég er að tala um, eru undir þessum fréttum:

5. febrúar 2006 21:18
Vel heppnað þorrablót

og

31. janúar 2006 13:51
Listamenn í 7. og 8. bekk

Heyri í ykkur síðar ;o)

lokaritgerð, blót og fleira...

2006-02-02T18:30:00.000Z

Jæja... þá er það loksins í (loka)höfn... ja hvað? jú lokaritgerðin... þegar ég sagði ykkur að hún væri loksins í höfn... þá voru það víst bara lokaskil til leiðsögukennara sem síðan tætir í sig ritgerðina og sendir hana til baka alla útataða í athugasemdum... þannig að ég var alls ekki laus við hana þarna í desember!!! En NÚNA ER HÚN BÚIN ;o) jebbsideisí og jibbíjæ... get sagt ykkur á morgun hvaða einkunn ég fékk og hvaða meðaleinkunn ég útskrifast með frá skólanum... Semsagt prentaði gullið út í dag og þegar ég er búin að sýna mömmu og pabba góssið núna um helgina þá fer hún í póst á mánudaginn... bara léttir ;o) gaman gaman...

Nú en svo er þorrablót um helgina og spurning hvort eitthvað bitastætt birtist þar... hehe... ég er svo hrifin af þorramat ;o)

Svo var það náttúrulega BARA svekkelsi að tapa gegn Norðmönnum núna, hræðilegt bara... en svona getur þetta nú verið!!!

Mamma og pabbi ætla að sjálfsögðu að koma á þorrablótið hérna á Raufarhöfn og svo ætlar mamma að vera hérna alla næstu viku... bara frábært... en þar til síðar... góða helgi elskurnar mínar ;o)

Skólastjóri - skólastjóri !

2006-01-23T23:45:00.000Z

Já okkur hér í sæluríki vantar skólastjóra í fína fína skólann okkar. Þannig eru nú mál með vexti að skólastjórinn okkar á von á börnum... jábbs... hún á von á tvíburum... það er nefnilega ekki að spyrja að frjóseminni hérna, ó já...

Auglýsing birtist í Morgunblaðinu um þar síðustu helgi og áhugasamir geta því kíkt á mbl.is og athugað hvort þeir finni umrædda auglýsingu. Annars þá er bara að skella saman CV og senda á sveitastjórann okkar hérna á Raufarhöfn. Húsnæði fæst í öllum stærðum og gerðum. Hér er stórt íþróttahús og innisundlaug (sem nemendur mínir í myndmennt eru að mála þessa dagana í stórskemmtilegum myndum), fínasta verslun, hótel sem sér um að bregða sér í gervi fíns veitingahúss, skyndibitastaðar eða hvað það er sem fólk þarfnast þá og þá stundina. Nema að sjálfsögðu fólk sé aðallega í mat hjá mesta kvenkosti norðan Alpafjalla (MÉR)... jummmííí... ég er svo frábær kokkur (þó ég segi sjálf frá)... hehe...

En fyrst ég er að þessu á annað borð þá er best að skella hér inn formlegri auglýsingu ;o)

Skólastjóri óskast við Grunnskóla Raufarhafnar

Hæfniskröfur: Skólastjórinn þarf að vera karlkyns og einhleypur. Hann þarf að vera barngóður og hjartahlýr, vera sérstaklega vel gefinn og hafa mikla löngun til að kynnast kvenkyns kennara á fertugsaldri sem kennir við skólann. Ekki sakar að umsækjandi kunni nokkur vel valin dansspor og sé einkar laginn við orðasambandið "já elskan"...

kali nikta ;o)

Jólaljós út þorra

2006-01-13T16:33:00.000Z

Gaman að sjá þig hérna - var einmitt að velta því fyrir mér hvort þú værir búin/n að gefast upp á mér, þar sem bloggið hefur ekki verið reglulegt upp á síðkastið! Þetta kallar maður vini sína...

Líklega er best að ég byrji samt á því að óska þér gleðilegs nýs árs með von um farsæld og hamingju á árinu sem gengið er í garð og kærum þökkum fyrir hið liðna... Jamms... ég klikkaði á jólakortunum þessi jólin... en það kemur vonandi ekki fyrir aftur... vona að þú hættir samt ekki að senda mér jólakort þó að ég hafi klikkað! Og já, takk fyrir jólakortið frá þér, takk kærlega.

Hér á Raufarhöfn er enginn farinn að taka niður jólaljósin, sem er alveg dásamlega frábært... það er svo yndislegt að hafa þessi ljós þegar skammdegið er svona ofsalega svart og langvarandi... þannig að ég og aðrir Raufarhafnarbúar njótum þess með bros á vör og gleði í hjarta...

Þetta er nefnilega bara þannig að á þessum tíma væri mjög heppilegt að geta einfaldlega lagst í hýði - svona frá miðjum janúar fram til miðjan mars!!! Það sækir meiri syfja að manni í þessu skammdegi... svo á sumrin getur maður vakið endalaust... Nema vel á minnst, það væri flott að rumska á þorranum og vakna til að skreppa á eins og eitt þorrablót (eins og ein ljóskan benti mér á!) ;o)

Á vef raufarhafnar var sagt frá jarðskjálfta í dag upp úr klukkan þrjú... en þá var ég nýkomin heim og akkúrat að leggja mig, þannig að ég varð ekkert vör við það! Í dag er afmæli Kópaskersskjálftans og fólki fannst þetta dálítið óhuggulegt í ljósi þess... en þetta fór samt alveg fram hjá mér!

Nú talandi um þorrablót. Það ber nú svo til um þessar mundir að þorrablótin á Svalbarðseyri og á Raufarhöfn bera upp á sama dag. Fyrstu helgina í febrúar, 4. febrúar. Þá eru góð ráð dýr!? hmmm... það er spennandi að breyta til og athuga hvernig stemmingin er á blótunum hér og eflaust verður það fyrir valinu. Það var nefnilega þannig fyrir jól þegar ekki var búið að ákveða dagsetninguna hér á Raufarhöfn að pabbi sagði að þau mamma kæmu hingað austur eftir á þorrablót og ég yrði að taka á móti þeim ;o) og pabbi er semsagt búinn að ákveða að þau komi hingað og að ég fari hvergi, hehe...

Till spater... alle mine venner... ciao ciao...

Á réttri hillu

2005-12-10T21:19:00.000Z

Jæja elskurnar mínar... ég er alveg klár á því að vera búin að mennta mig inn í rétt djobb... ég er á réttri hillu... þetta er það sem ég vil gera... hugsið ykkur hvað þetta er frábært... mennta sig, fara að vinna í greininni og bara finna sjálfan sig ;o) dásamlegt... Ég ætla að leyfa ykkur að sjá nokkrar myndir af börnunum "mínum" (ég nú samt eitt þeirra) við jólaföndur sem var í vikunni og myndir síðan 1. desember, en þá var foreldrum boðið í heimsókn, eldri nemendur skólans sáu um að fjalla um fullveldisdaginn, en yngri nemendurnir fengu að fjalla um jólin. Við tókum fyrir sögu aðventunnar og fórum með aðventusálminn um leið og við kveiktum á kertunum fjórum, enduðum síðan á að syngja jólasálminn Jólaljós eftir ekki ómerkari mann en Davíð Oddsson (ofsalega fallegur sálmur - svo fallegur að ég var beðin um að láta börnin "mín" syngja hann aftur í kirkjunni á aðventukvöldinu - sem gekk ofsalega vel líka)... foreldrar og börn fengu síðan heitt kakó og piparkökur sem krakkarnir voru búin að baka handa þeim... en myndir...

*****************************************

Lokaritgerðin í höfn !

2005-12-06T23:00:00.000Z

Halló allir saman ! Jamms... þá er bara lokaritgerðin í höfn ;o) þvílíkur lúxus - HA * Og þá er "bara" eftir að þrælast í gegnum tvær litlar og nettar heimildaritgerðir, 10 bls hvor, aðra um stærðfræði yngri barna og hina um námsmat á yngsta stigi grunnskólans...

En annars þá er orðið alveg yndislega jólalegt hérna á Raufarhöfn, jólaljós í hverjum glugga, stjörnur á ljósastaurunum eftir aðalgötunni og nokkrar ljósadýrðar-fjölskyldur búnar að skreyta hjá sér, innan sem utan. Risastór jólasveinn kominn utan á skólann og jólatré á túnið hjá skólanum. Jólin eru dásamlegur tími og ég hlakka mikið til þegar ég er búin að skila ÖLLUM verkefnunum endanlega af mér, sem verður fyrir fimmtudaginn í næstu viku (líklega samt bara á sunnudaginn - því að ég er orðin svo sjálfvirk í lestri eftir lokaritgerðina að ég hlýt að sníta þessum heimildarverkefnum sem eftir eru út úr annarri nösinni - hehe). Þegar ég er búin með allt núna sem snýr að náminu mínu ÞÁ ER ÉG ORÐIN KENNARI - grunnskólakennari - BRAVA brava b R a V a !!!

En annars þá ætla ég nú ekkert að blaðra meira í bili heldur leyfa ykkur að njóta þess að lesa sauða orðabókina sem ég rakst á í dag ;o)

Að bera fé: Afklæða kind
Aflafé: Kindur sem stunda veiðiskap
Áhættufé: Fífldjarfar sauðkindur
Eigið fé: Kindur sem maður á sjálfur
Fégirnd: Afbrigðileg kynhneygð (Að girnast sauðfé)
Fégræðgi: Að vera einstaklega sólginn í sauðaket
Féhirðir: Smali
Félag: Lag sem samið er um sauðfé
Félagi: Sá sem leggur lag sitt við sauðfé
Félegur: Eins og sauður
Féleysi: Þegar skorið hefur verið niður vegna riðuveiki
Fjárdráttur: Samræði við kind
Fjárhagur: Einhver sem er afar laginn við sauðfé
Fjárhirslur: Geymslur fyrir sauðfé
Fjárlög: Mörg lög sem samin eru um sauðfé
Fjármagn: Þegar margar ær koma saman
Fjármál: Tungumál sauðkinda/jarm -Tóndæmi
Fjármálaráðherra: Yfirsmali
Fjármunir: Lausamunir í eigu sauðkinda
Fjárnám: Skóli fyrir kindur
Fjárplógsstarfsemi: Jarðyrkja þar sem sauðfé er beytt fyrir plóg
Fjársöfnun: Smalamennska
Fjárútlát: Þegar ærnar eru settar út á vorin
Fjárvarsla: Það að geyma kindur
Fjárveitingar: Þegar boðið er upp á sauðket í matarboðum
Fjáröflun: Smalamennska
Fundið fé: Kindur sem búið er að smala
Glatað fé: Fé sem ekki hefur komið aftur af fjalli
Grímsá: Kind í eigu Gríms
Handbært fé frá rekstri: Kindur sem menn hafa gefist upp á að reka og ákveðið að bera á höndum sér
Hlutafé: Súpukjöt
Langá: Einstaklega löng kind
Lausafé: Kindur sem eru lausar á afréttinum
Norðurá: Kind að norðan
Opnibert fé: Fé í eigu ríkisins
Sauðburður: Þegar handbært fé er borið að á milli staða
Sparifé: Kindur sem ekki eru notaðar hversdags
Stofnfé: Fyrstu kindurnar sem maður eignast
Tryggingafé: Öruggt sauðfé
Veltufé: Afvelta kindur
Þjórfé: Drykkfelldar ær
Þverá: Þrjósk kind

MUUHAHAHAAAAAA...

LOKARITGERÐ - lOkArItGeRð - lokaritgerð

2005-11-13T18:41:00.000Z

Líf mitt snýst semsé að stórum hluta í kringum lokaritgerðina mína... jújú ég ætla nú bara að reka loka naglann á kaf núna um miðjan desember og ljúka því sem ég áætlaði í uppafi sem fjögurra ára háskólanám, en breytti því í þriggja og hálfs árs nám svona þegar á leið ;o) Og með þessu námi mínu hef ég verið í 100% vinnu og að mestu ein með dóttur mína - "að mestu" segi ég vegna þess að mamma mín og pabbi minn og systir mín hafa hjálpað mér rosalega mikið. Og ég lýk ekki bara þeim 90 einingum eins og námið krefst, heldur bæti ég ögn um betur og útskrifast með 92 einingar... jamms og jæja... en einhver sagði að það ætti ekki að byrja að telja ungana fyrr en öllum eggjunum væri orpið, þannig að það er kannski betra að ég hafi mig hæga í frekari skrifræpu svona fram að því að ÖLL verkefni mín eru í höfn... dæs...

En þar sem ég vinn sem kennari í allan vetur (sem þýðir að ég verð á launum næsta sumar) og þar sem ég hef ekki tekið lengra en viku sumarfrí síðan um árið... árið 1997... þá er óneitanlega óbilandi tilhlökkun til næsta sumars... sumarið 2006... og þá er stefnan mjög líklega tekin á Vínarborg... mitt annað heimili - En Uschi vinkona mín ætlar að ganga í það heilaga með sínum heittelskaða Christoph - og jahá mér er sko boðið og ef ég skil boðið rétt bað hún mig um að vera brúðarmær ásamt hinni ástkæru Margit vinkonu okkar ;o) hihi... það væri geggjað... En það er að sjálfsögðu babb í bátnum... en ekki hvað... alltaf svoleiðs... og það er að hún áætlar brúðkaupsdaginn þann 20. maí... og þá er ég ekki búin að koma nemendum mínum út í sumarið og heldur ekki komin sjálf í sumarfrí... en það gerist ekki fyrr en 8. júní... Nú ef ég missi af brúðkaupinu fer ég samt til Vínar næsta sumar og nýt lífsins þar í nokkrar vikur í góðra vina hópi... tókuð þið eftir þessu... NOKKRAR VIKUR ;o) hihi... gegt! Svo getur vel verið að ég kíki við í Danaveldi.

Blóm og kransar, styttur og nælur, dúllerí og bróderí er því vinsamlega afþakkað en fólki bent á ferðasjóð Jóhönnu ;o) hehe...

Nú en lífið snýst í kringum lokaritgerðina mína eins og áður sagði... en hún fjallar um sjálfvirkni í lestri... ég er að kafa ofan í aðdraganda kenningarinnar um tvenns konar undirliggjandi vanda (double-deficit hypothesis) lestrarerfiðleika (dyslexíu) og fjalla t.d. um nefnuhraðapróf og legg þau fyrir nokkra aðila, kenningu Ehri um að læra orð sjónrænt, Samvirknilíkanið (top-down / buttom-up) og fleira og fleira og fleira... Ritgerðin er endanlega due on 5. desember... Að því loknu tekur við síðasta verkefnið í 6 eininga kúrsi sem ég er í og gildir sú ritgerð 50% af lokaeinkunn þess áfanga... mig minnir að það verkefni sé due on ca. 12. desember OG ÞÁ ÆTTI ÉG AÐ VERA KOMIN Í JÓLAFRÍ frá náminu mínu það er að segja... en í jólafrí frá kennslu ætti ég að vera komin 16. desember, strax eftir jólaball með nemendum mínum.

Bráðum kemur blessað jólafríið
Mæðgunum fer að hlakka til
Allir gera þá eitthvað skemmtilegt
En hvað það verður
Veit nú enginn
Vandi er um slíkt að spá
allavega verður það eitthvað skemmtilegt

tralllalllalalalalalaaaa....

Það væri náttúrulega alveg ótækt ef ég gleymdi að benda ykkur á slóðina inn á fréttina á RÚV sem var tekin hérna á Riben... en hér erum við mæðgur báðar í mynd og takið nú vel eftir ;o) http://www.ruv.is/main/view.jsp?branch=2574128&e342RecordID=116878&e342
DataStoreID=2213589

Og bara svona bæ ðe vei þá þarf ég að sjá kvikmyndina Voksne Mennesker... Og að sjálfsögðu líka Strákarnir okkar því að hún gerist að hluta til á Raufarhöfn þar sem ekkert finnst til að gera annað en ríða!!! En það er semsagt það sem stendur upp úr í myndinni hvað varðar hlutann sem á að gerast hér á Riben!!! En Stelpurnar slá náttúrulega öllu við... þær eru BARA æðislegar ;o) ómissandi á laugardagskvöldum... Að ógleymdri Sylvíu Nótt - það kemur enginn í staðinn fyrir hana - hún á gullmola inn á milli í allri geðveikinni sinni (sem sumt mætti alveg missa sín) EN einhvernvegin þá fór hún að því að vinna titilinn "sjónvarpsmaður ársins" ! klapp klapp fyrir henni... sniðug stelpa þessi Ágústa...

Lifið heil, án mín... því hug minn allan á lokaritgerðin næstu vikurnar ;o) knúsjú oll... Ciao ciao... kali nikta...

Idolstjarnan Stefanía - Raufarhafnarstjarnan *

2005-10-25T19:41:00.000Z

Stelpan Stefanía mætti á Idol kvöld í félagsheimilinu þar sem Raufarhafnarstjarnan var valin eftir stórglæsilega söngvakeppni nú í kvöld... hún var yngsti keppandinn og eignaði sér þriðja sætið... ótrúlega flott hjá henni ;o) Hérna sjáið þið dömuna á sviðinu ásamt þeim stúlkum sem lentu í 1. og 2. sæti... Stefanía er 6 ára en þær eru 10 og 12 ára ;o)

****

Ammmmælisssstelpur !

2005-10-22T10:53:00.000Z

Halló halló

Jújú mikið rétt við áttum afmæli 20. og 21. oktbóber mæðgurnar og erum stálhressar eftir hafaríið... þokkalega búnar að ákveða að kötta aðeins niður fjöldann fyrir næsta krakka-partý... dæææææsss... Aðeins 18 stykki undir 9 ára og "nokkrir" eldri en það!!! Myndirnar ættu að tala sínu máli um það... Líkleg stefna á næstu afmælispartý er að breyta þeim í stelpupartý ! Sjáum til hvernig sú tillaga hljómar að ári!!!

Annars átti mamma mín, amma Stefaníu heiðurinn af afmælisveislunni... En að sjálfsögðu gerði hún sér ferð austur fyrir skarð og sléttu og framreiddu netta fermingarveislu fram úr erminnni fyrir stelpurnar sínar í tilefni daganna... afraksturinn sem þið sjáið á myndunum er semsé alfarið hennar... Ekki einu sinni ein pönnukaka er frá mér komin!!! Alveg satt strákar, hrikaleg vonbrigði!!! En besta mamma og besta amma í heimi reddaði þessu fyrir okkur mæðgur... Guði sé lof fyrir svona mömmur, húrra, húrra, húrra ;o)

Ég þakka kærlega fyrir allar samúðarkveðjurnar í tilefni dagsins míns, hehe... En ég fékk OFSALEGA fallegt sms þegar ég vaknaði á afmælisdaginn minn og það hljómaði svona: "Til hamingju gamla mín, en eitt máttu vita, þú sannar regluna um að konur eldast eins og vín.........................ber, rúsínan mín" ;o) Þetta kom að sjálfsögðu frá hinum heittelskaða litla bróður mínum ;o) híhí...

En beint í myndirnar... Teik ker...

******
******
******

Myndir úr 6 ára afmæli !

2005-10-21T23:20:00.000Z

****

Hér eru allir í myndastyttuleik, en Stefanía stjórnaði tónlistinni, sjá hér að neðan.

****

Ernesto bekkjarbróðir Stefaníu og Stefanía á afmælisdaginn

****

*****

Stefanía vaknaði á undan klukkunni og opnaði alla pakkana sem höfðu beðið afmælisdagsins. Hérna er hún búin að opna pakka frá Langömmu og langafa í Holtateig... hún fékk kodda (svæfil) og rosa sætt koddaver... Svo var það pils frá Hörpu frænku sem hún ákvað að vera í um daginn í afmælisveislunni auk fleiri gjafa sem hún var búin að fá frá henni... þá opnaði hún dúkkulísupakka frá mömmu sinni (með segli til að setja á t.d. ísskáp, en hún á spes borð með plötu sem hún notar fyrir þetta handa Þyrnirós, Fríðu og Öskubusku)... Svo kom pakki frá ömmu og afa á Svalbarðseyri, til viðbótar við stóra nýja og flotta hjólið, fékk hún nýju videospóluna um Öskubusku... Hún var síðan búin að fá nýja fína Barbie dúkku, föt og fleira frá pabba sínum, Rósu mömmu og systkininum... En síðasti pakkinn þarna fyrsta morguninn opnaði hún og fann þar Barbie peysu og Barbie gallabuxur sem smellpössuðu frá ömmu og afa Sigrúnu og Sigga í Reykjavík og auðvitað fór hún strax í þau föt fyrir skólann, sjá hér að neðan... Takk allir ;o)

****

Í skólanum á afmælisdaginn, með Indiu vinkonu.

Riben í góðu veðri

2005-10-03T21:53:00.000Z

******

Í gær, sunnudag, fórum við mæðgur í góðan göngutúr um Raufarhöfn í blíðskaparveðri. Hérna fyrir neðan fáið þið að sjá nokkrar myndir af litla sæta þorpinu okkar ;o) En það sem af okkur er annars að frétta er það að okkur líkar mjög vel hérna. Stefanía á margar vinkonur og dafnar vel, hún er að læra á blokkflautu í tónlistarskólanum, á stundaskránni eru tveir leikfimitímar og einn sundtími á viku. En hérna er stórt íþróttahús og inni sundlaug (sem er líka opið seinni partinn milli 17 og 19 og krakkarnir nota óspart ásamt öðrum Raufarhafnarbúum) Stefanía er mjög dugleg í skólanum og er á fullu að læra að lesa, en það er allt að koma hjá henni ;o) Fyrir mig er þetta frábær kennslureynsla og ég veit ekkert hvort ég ákveði að vera hérna einn eða tvo vetur, það eina sem ég veit er að ég verð líklega ekki lengur en tvo vetur. Það er svo margt sem lífið hefur upp á að bjóða og alveg ástæðulaust að binda sig hérna til lengri tíma. En við njótum þess að vera hérna á meðan við erum hér ;o)

*******

******

Húsið okkar er einhversstaðar falið inni í miðjunni þarna, skólinn er vinstra megin

******

Gaman í álfabyggðinni á Ásnum fyrir ofan bæinn

******

Hér hljóta margir Álfar að búa

******

Fallegt útsýni

******

******
Unu "ömmu" hús

(Una passaði afa Stefán þegar hann var lítill og á mánudögum passar hún Stefaníu ásamt Önundi frænda og bekkjarbróður)

******

Harpa systir þrítug

2005-09-27T22:45:00.000Z

******

Þannig getur það jú orðið... að litla systir taki upp á því að verða þrítug... jæja það er í lagi á meðan börnin sem maður passaði einhverntíman verði bara ekki þrítug... semsagt litli bróðir og fleiri !!! hehe...

En ég vil að sjálfsögðu að fólk taki sér tíma og velti fyrir sér fegurðinni í því að verða 30 ára... Fyrir mig var þetta einskonar friðartákn... þ.e. innri-friðar-tákn... maður er runninn út... og þá er bara ekkert hægt að gera í því... maður er búinn að missa af lestinni og þá er bara alls ekki hægt að gera neitt í því... og þá getur maður einbeitt sér alfarið að menntun sinni og starfsframa ;o) það er líka hægt að styrkja börn um víða veröld, gerast heimsforeldri, svona ef manni langar í börn, eða fleiri börn... og auðvitað ætleitt frá Kína... eins og ég hef nefnt nokkrum sinnum áður...

En Valbjörn frændi okkar orðaði þetta betur en nokkur annar þegar ég varð þrítug fyrir tveimur árum... það var nákvæmlega svona; "Jæja frænka, þá er það búið, ekkert nema dauðinn eftir"!!!

Og hér er falleg mynd af konunni sem varð 30 ára þann 22. september 2005 sem var tekin um síðustu jól þegar fjölskyldan fór saman í fjölskyldumyndatöku...

******
******
******

******

Til lukku bestasta systir mín... Okkur mæðgum hlakkar til að koma til þín og halda almennilega upp á þessa stórhátið með þér í rólegheitum (eða ekki rólegheitum, hehe)

Stefanía bestaskinn biður að sjálfsögðu fyrir hamingjuóskir til frænku... (En Stefanía sendi Hörpu leyni-pakka, með leyni-bréfi og tilheyrandi... Komst að því eftir að Harpa fékk pakkann að innihaldið var m.a. rauður gimsteinn)

Hilda æskuvinkona var að gifta sig ;o)

2005-09-25T22:18:00.000Z

Ó já... hún Hilda Dröfn Eichmann var að giftast honum Bóba sínum í Háteigskirkju í gær... þau hafa jú verið saman í um 9 ár og eiga yndislegan son sem heitir Henrik... ofsa sætur pjakkur sem á heimasíðu á barnalandi.is fyrir þá sem vilja sjá fullt af myndum af þessari annars afar fallegu fjölskyldu... þau voru öll mjög lukkuleg saman í gær á brúðkaupsdaginn og Hilda bar auðvitað alveg af, stórglæsileg stelpan... að sjálfsögðu fylgja myndir sem segja meira en fleiri orð ;o)

******

Bidda vinkona okkar sem stakk af til Mallorka í tvær vikur er hér með Hildu í skólaferðalagi til Kópaskers ;o) árið 1985... svo sætar... (En Bidda biður að heilsa öllum í snjónum heima á Fróni, en hún kemur heim eftir rúma viku, þá vonum við að snjórinn á Akureyri sé farinn! hehe)
Ég vissi að ég hafði séð hana klæðast brúðarkjól áður... eða næstum... þetta er fermingarkjóllinn hennar, híhí...
Og hér erum við saman vinkonurnar... ég verð líka svona falleg þegar ég gifti mig... náði sko nefnilega alveg einni rós úr vendinum sem endaði í henglum hjá einhverri annarri yngismey en mér... þannig að ég á mér von!!!
Hilda með mömmu sinni Þórunni, besta kennaranum mínum til þessa, en hún kenndi mér til dæmis að lesa... var umsjónarkennarinn minn fyrstu tvö árin mín í grunnskóla ;o)
Falleg saman

Myndirnar sem áttu að koma áðan!

2005-09-18T16:31:00.000Z

******

Réttir á Katastöðum í Presthólahreppi

2005-09-18T16:09:00.000Z

Halló halló... gaman að fá svona comment frá fólki úr öllum áttum, takk fyrir það ;o) Hlakka líka til næstu helgar, ætla að vona að ég geti framkvæmt allt sem er á skipulaginu fyrir þá helgi... En í dag fórum við mæðgur í réttir á Katastöðum með Siggu Möggu, Löru og Roman. Við hittum t.d. Hildi (uppáhalds leikskólakennarann hennar Stefaníu af Síðuseli) og alla frá Daðastöðum. Guðrún bóndi á Daðastöðum er líka kennari á Kópaskeri og við höfum bæði kynnst nú í haust í gegnum kennarastarfið (sameiginleg námskeið) og svo höfum við ásamt Kidda syni hennar (sem líka býr á Daðastöðum) verið saman í kennaranáminu í fjarnámi frá Kennó undanfarin ár. Nú við mæðgur nutum okkar í tætlur við að draga fé í dilka fyrir Daðastaði og leystum við það bara stórvel úr hendi. Bændur höfðu a.m.k. á orði að Stefanía væri með fjárgleggri manneskjum sem þeir hefðu hitt, en án nokkurra ýkja þá stóð hún sig ótrúlega vel við að þekkja úr réttar kindur sem við síðan komum í sinn heimadilk. Hún var samt ekki viss um það að hún ætlaði að verða bóndi þegar hún yrði stór ! Nú en svo voru það gamlir skólafélagar mömmu, frá því í Lundi, sem þekktu mig af svipnum einum saman og var ég komin á milli tannanna hjá öllum vonbiðlum mömmu frá í "gamla daga", gaman að þessu... híhí...

En myndirnar segja vonandi meira en fleiri orð (því miður komast bara 5 fyrir!) Þar til síðar, ha det bra...

Lína langsokk þema hjá 1.- 3. bekk

2005-09-13T18:28:00.000Z

Nemendur mínir hafa unnið ýmis verkefni tengd Línu langsokk undanfarið og hér eru semsagt nokkrar myndir frá amælishátíð Línu sem var í morgun og foreldrum boðið að koma á. (Skil ekki hvers vegna allur textinn sem ég set hér inn með myndum á bloggið birtist ekki!!! Kannski tölvunni finnist ég stundum tala of mikið, svona eins og einni og einni mannskepnunni, hehe!!!)

Hið margrómaða hreiður í myndrænu formi !

2005-09-12T22:25:00.000Z

******

Hér fáið þið að sjá smá sýnishorn af litla sæta hreiðrinu okkar Stefaníu á Raufarhöfn. Flestar myndirnar tók ég sjálf, en Stefanía komst líka í myndavélinu ;o)

Hérna er minningar veggurinn, fyrsta listaverkið hennar Stefaníu af okkur mæðgum, afar og ömmur, vinir og aðrir ættingjar

fóta- og handafar Stefaníu upp á vegg

Stefanía semsagt tók þessa mynd og vegna kvartana undan því að það vantaði mynd af mér hérna inn ákvað ég að leyfa þessari að fljóta með

Hérna erum við í veiðimann, en það er mjög vinsælt spil hjá okkur.

Næst koma inn myndir úr skólalífinu.

Á morgun er Línu langsokk hátið hjá okkur í 1. - 3. bekk, en ég hef verið með þemavinnu með nemendum mínum vegna þess að á morgun eru 60 ár liðin frá því að fyrsta bókin um Línu langsokk kom út. Foreldrum var semsagt boðið að koma og skólahópnum á leikskólanum. Í fyrramálið fara fram lokaæfingar á leiksýningu og svo búum við til stóra og "ætilega" Línu úr bollum, poppi, kálhaus, gúrkum, gulrótum og fleiri hollustu. Bollurnar bökuðu krakkarnir í morgun. Mikið gaman mikið stuð...

Stefanía á leið í skólann & amma og afi í heimsókn á Raufarhöfn

2005-08-30T21:27:00.000Z

Skólinn byrjaður

2005-08-30T21:11:00.000Z

Skólinn er byrjaður og allir kátir og glaðir, nema já... hún Stefanía mín var sú eina sem kvartaði fyrsta daginn... það vantaði nefnilega að skrifa meira og lesa !!! þannig að það var ekki bara gaman heldur skyggði þetta að hennar mati á skólabyrjunina sem gerði daginn líka "pínu" leiðinlegan... En það er nú gott að barnið sé spennt fyrir lærdóminum, híhí ;o)

Það er auðvitað nóg um að vera hérna í vinnunni, við undirbúning skólastarfsins í vetur og keppist ég við að koma hlutunum í ágætis farveg áður en mitt nám við skólann minn hefst af krafti. En núna er staðlota í KHÍ þessa vikuna og því get ég átt vona á mikilli verkefnavinnu hvað á hverju...

Leyfið mér svo að heyra aðeins frá ykkur...
þar til síðar...
lifið alheil ;o)

Notalegt hreiður á Riben

2005-08-10T18:30:00.000Z

Jæja þá höfum við mæðgur komið okkur fyrir í fallega litla húsinu okkar á Raufarhöfn. Það er nú eiginlega alveg ofsalega gott að vera þarna og fólkið alveg yndislegt. Stefanía leikur sér úti frá morgni til kvölds og alltaf nóg við að vera. Í gær kom Brúðubíllinn í heimsókn og sýndi öllum sem vildu sjá skemmtilegar leiksýningar, daginn áður var leikverk í félagsheimilinu Hnitbjörgum sem Stefanía fór á með vinkonu minni og dóttur hennar, en ég ákvað að sitja heima með Hörpu systur og annarri vinkonu minni, sitja í sólinni og drekka eins og einn bjór... hihi... enda orðin nokkuð þreytt eftir að mála baðherbergið og gluggana í eldhúsinu og stofunni ;o) Krakkahópurinn kom síðan berjablár heim í gærkvöldi eftir að hafa setið góða stund úti í berjamó...

Með hverjum deginum sem líður á Raufarhöfn verð ég bjartsýnni á að búa þar lengur, fegurðina sér maður alltaf betur og betur, svona þegar maður slakar meira á og þegar maður fer í fleiri gönguferðir til að jú skoða umhverfið, en það þarf víst að opna augun í afslappelsi til að sjá hvað svæðið hefur upp á að bjóða... Í dag var ég á námskeiði umsjónarkennara á Húsavík og verð aftur þar á morgun. Annars verð ég næstu daga á Svalbarseyri hjá mömmu og pabba með Stefaníu mína. Ég er búin að fá þráðlaust internet á Raufarhöfn og verð því í góðu sambandi við ykkur ;o)

Bless í bili...

Systur og dóttir !

2005-07-27T11:05:00.000Z

Þessi mynd er líka mjög skemmtileg, "Systur og dóttir".

En myndatakan var alveg frábær hjá honum Finnboga í Dagsljósi á Akureyri ;o)

Yndislegt veður ;o)

2005-07-27T08:30:00.000Z

Þá er veðrið loksins komið, ó já og það verður sko áfram hérna á norður og norðaustur landi... En ég ætla einmitt að skella mér austur á Riben á laugardaginn með farm af dótinu mínu, málningu til að mála baðherbergið og fleira smávægilegt. Annars er búið að græja húsið mitt alveg ágætlega býst ég við, hlakka mikið til að koma mér fyrir í hreiðrinu mínu þarna austur frá ;o)

En talandi um veðrið þá er besta veðrinu spáð á norðaustur landi um næstu helgi, þannig að ég get ekki séð annað en móttökurnar verði eins og best verður á kostið...

Síðan verð ég á einhverju flakki í ágúst "Svalbo v. Riben", þannig að ég verði líklega ekki alflutt fyrr en allra síðustu vikuna í ágúst!

En hérna er ég með sýnishorn af myndatöku sem við mæðgur og öll fjölskyldan fórum í um jólaleytið 2004. Hérna er eitt lítið sýnishorn handa ykkur einlægum aðdáendum mínum, ein mynd úr þessu annars stórfína myndasafni !!! Þessa mynd ákvað ég að láta stækka handa okkur mæðgum ásamt mjög fallegri mynd af Stefaníu...

(myndin er innsigluð þess vegna eru þessir hringir á henni!)

Það vantar konu í konu stað !

2005-07-25T11:15:00.000Z

Það kemur víst maður í manns stað og eins er það með starfið mitt hjá TM-Software á Akureyri. Ég vinn út þessa viku og er síðan off to Riben city town fljótlega í ágúst, eða eitthvað fram og til baka (Svalbó v. Riben) þar til vinnan byrjar í skólanum 17. ágúst. En ætli ég verði ekki á reglulegu flakki, svo margt að ské sem maður má helst ekki missa af nefnilega ;o) Brúðkaup í lok ágúst, 30 ára afmæli í lok september, viku staðlota í Reykjavík í október... svona það helsta!!!

En ef þig vantar vinnu og langar að vinna vinnuna mína sem bráðum verður fyrrverandi vinnan mín, þá endilega leyfðu mér að heyra frá þér... Hérna er nefnilega barasta ekkert að gerast í mannaráðningum, þannig að ég vil bara athuga hvort málið sé virkilega þannig að allir séu með vinnu sem á annað borð hugsa sér að vera úti á vinnumarkaðinum!

Njótið dagsins...

Dósafjallið komið á kerru !!!

2005-07-22T13:46:00.000Z

Þessu hef ég (eða við öllu í vinnunni) safnað á einu ári hérna í vinnunni minni, áðan fórum við Einar Hólm með allt góssið upp í endurvinnslu og fengum pening fyrir ;o) Var að hugsa um að skella mér í Rexín og kaupa mér leðurjakka... EN... það gengur víst ekki!!! Ætli maður kaupi ekki bara pizzu og bjór (gos handa Óla) fyrir liðið í næstu viku... gaman gaman...

Spurning dagsins er hvert er andvirði þessa dósafjalls sem á kerrunni er í krónum talið?

Súrheysturn - bergmál

2005-07-21T10:18:00.000Z

Já það er eiginlega bara þannig... núna er ég semsagt hérna ein inni, enginn kemur að sjá mig, nema kannski litla músin ! Engin comment þýðir engin viðbrögð á bloggið mitt og þá er ekkert gaman að skrifa. Þetta er svona eins og ég sé alein inni í súrheysturni og það bara bergmálar í myrkrinu... þeir skilja þetta sem koma úr sveitinni ! Einveran getur samt verið falleg í sjálfri sér... kyrrðin... Þið vitið samt alveg að það er hægt að commenta "anonomys" !

Staðan: 1 skemmtiferðaskip á Pollinum, norðan hafgola, sól og 16° stiga hiti, skýjað á köflum...

Á eftir að vinna hjá TM-Software út þessa viku og næstu... then I´m freeeee ;o)

Hvað á bralla um verslunarmannahelgina - hugmyndir ???

22° hiti + Sól + Norðan hafgola

2005-07-20T14:45:00.000Z

Jæja hér er allt í steik og maður er bara inni að vinna, auðvitað, en ekki hvað !!!

Vildi bara láta ykkur vita... en líklega er enginn hérna á ferðinni, allavega engin comment ! Góða veðrið hlýtur að stjórna þessu og halda fólki utan dyra og frá tölvunni ;o)

Njótið góða veðursins... fyrir mig líka ;o)

Góða veðrið er að springa út úr skýjunum ;o)

2005-07-20T10:26:00.000Z

Já ég held það bara... það er að gera svona líka gott veður hérna á norðurhjara... höfuðstaður Norðurlands Agureyris city town er að fá almennilegt sólbað með tilheyrandi stillu...

En það er alveg ótrúlegt hvað veðrið skiptir mann miklu máli... þá meina ég hversu mikilvægt það er að hafa sumar á sumrin, vetur á vetrum, haust á haustin og vor á vorin... En ekki eintóman sudda eða ennþá ósumarlegra á sumrin !!! Í það minnsta þá sest þetta vel á bloggi gærdagsins, þá fannst mér einmitt ekkert vera að frétta og bara "downmolla" í gangi !!! Nú en það var bara alls ekki rétt, hellingur að gerast um helgina... en það var bara veðrið... þoka og kuldasuddi ! En jæja... í dag er yndislegt veður og ljúft að njóta þess...

Ef einhvern vantar ferðafélaga fyrstu vikuna í ágúst til heitari landa, þá er ég "á lausu" og tilbúin til að leyfa hinum sama að borga undir rassinn á mér... hihi...

Elska ykkur öll, hvert á sinn hátt, því hvert ykkar er sérstakt á sinn hátt !

Spurning með blogg !

2005-07-19T13:08:00.000Z

Sælnú !

Það er spurning með að blogga í dag... þegar fátt er að gerast þá er minna að frétta! En auðvitað er það saga til næsta bæjar og já flokkast sem stór viðburður þegar maður fer í brúðkaup, að ég tali nú ekki um þegar maður skellir sér í útilegu... og ég gerði nú bara bæði um helgina... "ekkert að gerast" mæ ass..!

Jújú hinn virki og margrómaði svalbósaumaklúbbur, öðru nafni "prjónaveislan", skellti sér í útilegu um helgina og það ekki í verra umhverfi en Lundsskóg í Fnjóskadal... yndislegur staður og fáfarinn... mæli með Lundsskógi ;o) GÓÐ FERÐ.

Þá var það brúðkaupið... vá hvað þau voru falleg á laugardaginn í kirkjunni og kjóllinn var svooo fallegur og bara allt, söngurinn í kirkjunni fékk alla til að tárast... jö minn hvað þetta var æðislegt ;o) Eins og einn gamall bekkjarfélagi minn og félagi Elvars sagði orðrétt "ég hef bara ekki séð fegurri brúði, nema þegar ég kvæntist sjálfur"... Inga Heiða fór með hlutverk gestgjafa og leysti það snilldar vel úr hendi, enda er hún snillingur og ekki öllum gefið að vera svona lúmskt fyndnir... ég pissaði næstum á mig úr hlátri þegar hún sagði frá strípusögunni með drullusokks ívafinu!!! svo var sungið meira... pabbi Sonju söng allavega 4 lög og frændsystkini hennar fóru á kostum... Einn upprennandi Phil Collins, James Blunt eða bara eitthvað flott... Man nefnilega ekki hvað hann heitir, en hann syngur vel og spilar undir á píanó... Sonja klikkaði alveg í brúðarvandakastinu... ég bað hana tvisvar sinnum um að nota EKKI ALLA KRAFTANA... neinei það þýddi ekkert, hún þrusaði brúðarvendinum náttúrulega lengst aftur á bak í vegginn, þannig að það var einhver feimin og prúð stúlka sem stóð aftast sem náði henglunum af vendinum... verði henni bara að góðu!!! Ég fer í annað brúðkaup í ágúst, brúðurinn sú er nýkomin úr hjartaaðgerð þannig að ég vona að það séu betri líkur þar fyrir mig!!! En brúðkaupið - BARA FALLEGT ;o)

Ef einhver rekst á ÓDÝRT flugfargjald til New York eða Vínarborgar... þá má segja mér frá því... En hvernig gengur ykkur í Sudoku?

Nýjasta æðið !

2005-07-14T09:55:00.000Z

http://websudoku.com/

Góða skemmtun ;o)

1000 mg af C-vítamíni á dag

2005-07-14T08:53:00.000Z

Ég er semsagt á C-vítamíni ! Kvefpestin sem er búin að leggjast þungt í fjölskyldumeðlimi (foreldra, ömmu og afa, frændur og frænkur) er að byrja að laumast aftan að mér... djösss ósanngirni, ég sem er að fara í brúðkaup og gleðjast með vinum og ættingjum um helgina !

Í fyrradag varð ég vör við óvenju miklar hellur fyrir eyrunum og svo hefur hálsinn verið að sárna og bólgna... núna er þetta síðan að verða mjög raunverulegt... eymsli í öxlum og tilheyrandi nefkvef... ullllabjakkk... nenni þessi alls ekki !

En ég og lítill skógarþröstur ollum umferðarslysi í morgun með þeim afleiðingum að litli fuglinn lét lífið framan á bílnum mínum. Jö minn hvað hjartað tók stóran kipp... Þetta er hræðilegt og það kom alveg blóðsletta á framrúðuna, svo heyrðist bara dunk dunk og hann lenti á götunni fyrir aftan mig... Hann bara skaust upp úr vegkantinum og beint framan á bílinn minn, ég hafði ekki einu sinni tíma til þess að fipast við aksturinn... Ég hélt bara áfram sem leið lá í vinnuna mína... Með dráp á fugli á samviskunni og finnst þetta bara ömurlegt... ég sem hélt að ég kæmist í gegnum lífið sem fugladrápsfrír ökumaður ! snökt snít skæl...

Burt með kvefpestir - verndum fuglana !

I am "31" years old -> "Dirty One"... Do read this !

2005-07-13T15:00:00.000Z

This is for all you girls 30 years and over.... and for those who are turning 30, and for those who are scared of moving into their 30's...AND for guys who are scared of girls over 30!!!!...

This was written by Andy Rooney from CBS 60 Minutes.

As I grow in age, I value women who are over 30 most of all. Here are just a few reasons why:

A woman over 30 will never wake you in the middle of the night to ask,"What are you thinking?" She doesn't care what you think.

If a woman over 30 doesn't want to watch the game, she doesn't sit around
whining about it! . She does something she wants to do. And, it's usually something more interesting.

A woman over 30 knows herself well enough to be assured in who she is, what
she is, what she wants and from whom. Few women past the age of 30 give a damn what you might think about her or what she's doing.

Women over 30 are dignified. They seldom have a screaming match with you at
the opera or in the middle of an expensive restaurant. Of course, if you deserve it, they won't hesitate to shoot you, if they think they can get away with it.

Older women are generous with praise, often undeserved. They know what it's
like to be unappreciated.

A woman over 30 has the self-assurance to introduce you to her women friends. A younger woman with a man will often ignore even her best friend because she doesn't trust the guy with other women. Women over 30 couldn't care less if you're attracted to her friends because she knows her friends won't betray her.

Women get psychic as they age. You never have to confess your sins to a woman over 30. They always know.

A woman over 30 looks good wearing bright red lipstick. This is not true of younger women.

Once you get past a wrinkle or two, a woman over 30 is far sexier than her younger counterpart.

Older women are forthright and honest. They'll tell you right off if you are a jerk if you are acting like one! You don't ever have to wonder where you stand with her.

Yes, we praise women over 30 for a multitude of reasons. Unfortunately, it's not reciprocal. For every stunning, smart, well-coiffed hot woman of 30+, there is a bald, paunchy relic in yellow pants making a fool of himself with some 22-year-old waitress.

Ladies, I apologize. For all those men who say, "Why buy the cow when you can get the milk for free". Here's an update for you. Nowadays 80% of women are against marriage, why? Because women realize it's not worth buying an entire Pig, just to get a little sausage.

Brúðkaupið, sálfræðingurinn og viðhaldið !

2005-07-13T08:23:00.000Z

jamm og já... þá er það helst framundan að brúðkaup nokkuð verður haldið um helgina sem ég mun verða gestur í... að vísu verða þrjú brúðkaup í Akureyrarkirkju þennan sama dag og tvö þeirra eru tengd mér frændsystkinaböndum... en verð aðeins viðstödd annað þeirra... Ævar frændi minn kemur til með að kvænast hinni engilfríðu Önnu Soffíu sinni og hún Sonja frænka mín kemur til með að giftast hinum engilfríða Elvari sínum... Já vá... þau eru öll fjögur alveg einstaklega fallegar (innan og utan) og hjartahlýjar manneskjur... svona manneskjur sem maður gæti trúað að hefðu verið teknar af himnum ofan og settar á jörðina, þá meina ég svona englar í mannslíkama... vá...

VAKNA... !!! já... og...

að öðrum meira áhugaverðari hlutum, hehe..! en fróðar konur (t.d. Soffaculus) segja mér að brúðkaup séu staðurinn - "the main place" - til að finna sér verðandi brúðguma ;O) hehe... það verður spennandi að sjá hvort einhver vænlegur setjist á móti mér, eða við hliðina á mér... a.m.k. var mér og líka Ingu Heiðu lofað að sitja í veislunni í návígi við heitustu piparsveina brúðkaupsins ! En svo er þetta að sjálfsögðu sérlega afstætt... hversu "heitir" þeir piparsveinar eru sem enn eru "single" OG um eða yfir þrítugt að aldri OG er boðið af brúðhjónunum til þessarar veislu (dáltið þröng forsenda) !!! Sú forsenda er að sjálfsögðu gefin að við Inga Heiða erum sérlega "heitar" (hot) piparjúnkur OG að aðrir eins kvenkostir fyrirfinnist vart norðan alpafjalla, við meira að segja fórum í OASIS til að finna okkur viðeigandi klæðnað fyrir herlegheitin og hún Inga Heiða verður sko MJÖG "hot" (svo gerir hún himneskt grænmetislasagna og himneska eplaböku) svo ekki sé nú sérstaklega minnst á mína kvenkosti... hehe...

En í gærkvöldi fór ég á kaffihús, átti stefnumót við sálfræðinginn, en hitti þar fyrir þær Andreu, Kristínu og vinkonu þeirra. Sálfræðingurinn kom síðan og settist hjá okkur, en eftir einn kaffibolla og nokkurt spjall ákváðum við sálfræðingurinn að yfirgefa svæðið og þeystum á nýja fína bílnum mínum heim til babú stráksins, þar sem við fengum kaffi og síðan ís þegar aðra gesti bara að garði sem voru þá með veitingar meðferðis, sniðugt... Gott kvöld...

Í dag er það síðan "viðhaldið" - jújú... víst löngu tímabært að sinna því... þetta er eitthvað sem allar konur verða að gera, stunda reglulega viðhaldið ;o)

Annars er það bara afmæli á morgun og prjónaveisla annaðkvöld, brúðkaup um helgina og e.t.v. útilega (Hrísey, Vaglaskógur, Hörsens eða Djúpivogur) að ógleymdum sundlaugarferðunum sem ég mun vera búin að lofa dóttur minni að fara í ! Útlit er fyrir bjartviðri á norðanverðu landinu !

Og þá varð kátt í höllinni...

Rigning og þoka ;O)

2005-07-11T08:14:00.000Z

jömmmííí.... gaman gaman.... eftir að hafa velt því fyrir mér hvort ég eigi ekki einhvern rétt á veðursælum og sólríkum dögum í sumar, þá helst þegar ég er í fríi, en þessir veðursælu dagar eru semsé teljandi á fingrum annarrar handar (þá daga sem ég hef verið í fríi).... þá verð ég samt alltaf jafn hissa á því þegar ég geng út í beljandi rigningu, rok eða þoku!!! En ég er ekki í fríi í dag og þá skiptir þetta mig ekki öllu máli ;o) Vonandi samt að það stytti upp fyrir alla hina, gróðurinn hlýtur að vera búinn að fá nóg í bili...

En helgin var annars alveg ágæt þrátt fyrir óþrjótandi hvassviðri sem lét engan bilbug á sér finna ALLA dagana og var ekki á undanhaldi þegar ég yfirgaf Skagafjörðinn. Þarna var ég í sveitinni minni með dóttur minni og ömmu og afa. Erna, Helgi, dæturnar og nýjasti fjölskyldumeðlimurinn hann Tjörvi Leó litu líka inn, en þau voru í bústaðnum. Talandi um ungabörn... hann Tjörvi litli sem bæ ðe vei á ofsalega fallegt nafn náði að heilla mig alveg upp úr skónum og hvort ef ekki heyrðist lítið "kling"... hehe....

Valgerður vinkona Stefaníu kom meira að segja í sveitina sína (Bræðraá, sem er gamla sveitin mín) og þær léku sér saman að mestu í bæjarlæknum á Róðhóli en þar voru byggð bú og fleira brasað. Inga mamma hennar kom líka sem og Inga frænka hennar og við sátum yfir kaffi og desertum í Bræðraá og þar var nú margur sannleikurinn uppgötvaður, hehe... Alveg merkilegt hvað Ísland er nú lítið land...

Það er svosem ekki mikið að frétta annars, þannig að ég bara gef boltann á ykkur og þið kannski hjálpið mér með þessa fréttaöflun og komið hér inn með góða punkta, eitthvað skemmtilegt eða krassandi ;o)

Rakel Húnfjörð vinkona mín í xxx (man ekki hvað bærinn heitir - en hann er við hliðina á London) er heil á húfi... já já hún, synir hennar og maðurinn eru eins og kettirnir... lifa af 11. september... náttúruhamfarirnar í Indónesíu og nú þetta... þ.e. hryðjuverkin í London... Alveg greinilegt hvern Guð er að passa á þessum stundum... takk fyrir það Guð! En Rakel mín það væri flott að fá ferðaplanið þitt svona eitthvað fram í tímann... ég sé ekki að það sé nauðsynlegt að vera að flækjast endilega á sama heimshorni og þú... !!!! huhummmm ehh hee !!! Já svona ef Guð er alltaf upptekinn hjá þér...

"3ja grein: Ef eitthvað dýr nennir ekki að afla sér fæðu, má það ekki stela mat frá öðrum" !

Hún á afmæli í dag

2005-07-07T08:11:00.000Z

Jú jú, hún amma mín Jóhanna á afmæli í dag. Þessi elska hefur nú ekki náð nema 71 árs aldri, en ég hef hugsað mér að kíkja í sveitina og hitta hana og afa og mömmu og dóttur mína og líklega fleiri. Veit ekki hvað ég staldra lengi við í sveitinni, sjáum til hvernig stemningin verður á ættaróðalinu ;o) hihi...

En nú í morgunsárið er hér svartaþoka yfir öllu og blankalogn. Ef sólin nær að bægja þokunni í burtu þá er von á ROSA veðri hérna, vona allavega að morgundagurinn og helgin verði "marvales"... Ég hef tæpast fengið nokkuð sumarveður það sem af er sumri (frekar en aðrir íslendingar ef út í það er farið) !!! Ótrúlegt ef maður miðar við sumarið í fyrra, þá var ég búin að taka svo mikinn lit að halda mátti að ég hefði farið til sólarlanda til að ná mér í hann..! Eeennn...

Og verði SÓL : And let there be SUN ;o)

Herra og frú Smith

2005-07-06T10:28:00.000Z

Já Brad og Julie klikkuðu ekki í þessari mynd. Við Berglind vinkona skelltum okkur í bíó í gærkvöldi og sáum þessa kyngimögnuðu mynd, Mr. & Mrs. Smith. Og já... BARA flott bíómynd ;o) Ég var nú búin að heyra að Brad væri alveg ómótstæðilegur í þessari mynd, en ég verð að segja að hann féll dáltið í skuggann fyrir henni Julie, mér fannst hún alveg rosaleg ! Hvað segið þið annars um þetta?

Annars er það bara prjónaklúbbur í kvöld, kaffihús annaðkvöld með sálfræðingnum nema annað komi í ljós... en maður þarf að læra ýmis trikk áður en maður flytur á stað á Íslandi sem hefur að geyma myrkustu vetrarnæturnar :O) og svo bara sveitasælan um helgina... ljúfa líf...

ha det bra kære venner...

22° hiti á Ráðhústorgi á Akureyri

2005-07-05T12:44:00.000Z

Bara varð að segja ykkur frá þeirri eindæma bongó blíðu sem er hér í dag ;o)

Frábært ferðalag að baki :-)

2005-07-04T14:19:00.000Z

Þá erum við mæðgur komnar aftur heim til mömmu & pabba (ömmu & afa) eftir alveg hreint frábært ferðalag. En það hófst mánudaginn 27. júní og stóð yfir í tæpa viku. Birkir bróðir minn kom með okkur suður og fyrsta stopp í borginni var Ruby Tuesday ;o) Þriðjudagurinn hófst síðan með því að fara í bakarí og versla morgunmat og síðan beint í sund. Stefanía heilsaði síðan upp á afa Sigga og eftir það lá leiðin í Ikea. Seinni partinn heimsóttum við síðan Rósu mömmu (hina mömmu Stefaníu minnar) og Úlfar Árna litla bróður Stefaníu. Systkinin og hundurinn Sesar skemmtu sér mjög vel á meðan við Rósa drukkum úr kaffibollanum okkar.

Á miðvikudagsmorguninn brunuðum við beint til Keflavíkur þar sem Stefanía átti stefnumót við eldri systkin sín sem voru hjá “hinum pabbanum” (já flókið fyrir þá sem ekki hafa lesið manjúalinn með ættartrénu hennar Stefaníu, en í raun er þetta mjög einfalt!). Ég fór síðan og sótti Hörpu systir upp á flugvöll og eftir það fundum við systur okkur veitingastað í Keflavík og fengum okkur lönsh. Langbest varð auðvitað fyrir valinu Kristín ;o) Við litum við hjá systkinunum og þar lék allt í lyndi og þau á leiðinni í sund úti í garðinum, en veðrið var mjög gott þennan dag. Þá fórum við Harpa til ömmu Erlu og Jóns í Grindavík þar sem við fengum ís og rúnt um gróðurhúsið hans Jóns og fína húsbílinn sem þau fengu sér í fyrra. Við mægður stefnum á svona grip og ætlum þá að ferðast um allan heim, híhí...

Fimmtudagurinn átti að fara í ferðalag um suðurlandið en við frestuðum því um einn dag vegna veðurs og þess í stað var tekinn annar rúntur í Ikea, farið í bíó og síðan á Pizza Hut með Hörpu, Birki og Maju. Amma Sigrún og afi Siggi fengu líka heimsókn og Palla, Sara og Óðinn Arnar. Við reyndum við Brynju í Garðabænum en hún var á leið í hjólatúr og eins var Ingibjörg í flugi, bara börnin heima þar. Bryndís var ein heima með bumbubúanum sínum og svo var Linda Margrét heima með nýfædda krílið sitt og frumburðinn Andrea Ósk sem orðin er 17 mánaða. Þvílíkur kraftur í konum sem koma með svona tvö í röð, úfff... dugleg ;o) Svo voru fleiri sem ekki voru svo heppin að vera heima þegar okkur Stefaníu bar að garði... kannski næst...

Við mæðgur fórum síðan á föstudeginum í Töfragarðinn á Stokkseyri og skemmtum okkur vel, en þar er að finna stóran svalakastala, uppblásið risa-trampolín úr jörðinni, hjólabíla og traktora, íslenskan ref, geit og kiðlinga, kindur og lömb, kanínur, grísir, endur, kálfa og fleiri dýr. Þá fengum við okkur humarsúpu á veitingastaðnum Fjöruborðinu áður en við yfirgáfum svæðið. Sundlaugin á Selfossi var tekin út og síðan sumarbústaðurinn Sigga afa og Sigrúnar ömmu á leið okkar upp Skeiðin, en þar stoppuðum við á sveitabænum Kílhrauni og hittum Báru og Stebba sem eru af Svalbarðsströndinni eins og ég, Stebbi var með mér í bekk í barnaskóla. Hann er frægur fyrir það að hafa verið í Djúpu Lauginni 2 ;o) Dýragarðurinn Slakki í Laugarási í Bláskógabyggð var síðan aðalstopp dagsins og þar voru hvolpar, kettlingar, grísir, refur, kálfur, folald, mýs, rottur, endur, fiskar, kalkúnar, páfagaukar og aðrir skrýtnir fuglar, kanínur, naggrísir, hamstrar og fleira litið augum myndað og sumt knúsað. Eins voru þar leiktæki og minigolf inni í fyrrverandi gróðurhúsum, sem eru að hluta líka veitingasalur þar sem bakaðar eru t.d. pizzur. Ofsalega fallegur staður og skemmtilegt hvað fólkið þarna er búið að byggja upp í kringum þetta, mjög vel þess vert að leggja leið sína í Slakka. Á leiðinni í bæinn skoðuðum við Skálholtskirkju og Kerið. Um kvöldið litum við inn til Ingólfs pabba Stefaníu, Rósu, Úlfars og hundsins Sesars. Mikið gaman og mikið fjör þar á bæ.

Ferðalagið var síðan toppað við komuna í Borgarfjörðinn á norðurleið, þar komum við í Brekkukot og lentum í 30 ára afmæli Jóns Þórs. Það kemur áreiðanlega engum á óvart þegar ég segi að þar hafi verið mikið húllum hæ og stuð, hehe... Skemmtun í skemmunni með grilli og söng klikkar ekki. Stefanía var ofsalega glöð að komast í sveitina “sína” og hitti þarna tvær jafnöldrur sínar og léku þær saman frá fimm um daginn til miðnættis. Þær undu sér ótrúlega vel saman allar þrjár og erfitt var að slíta þær í sundur þegar löngu tímabært var orðið að fara í háttinn. Soffa Garðabæjarmær mætti síðan fljúgandi í afmælið með sínum manni sem er vinur afmælisbarnsins og urðu þar fagnaðarfundir (hjá mér og Soffu) og tíu ár rifjuð upp með tilheyrandi flissi þetta kvöld. Eftir góðan næturblund heima hjá ömmu Dóru og morgunsnakk í Brekkukoti lögðum við mæðgur af stað heim á leið og gekk sú ferð framar vonum. Stefanía var greinilega ánægð með ferðina og engu líkara en fjósalyktin hafi virkað MJÖG róandi á hana, því hún spurði ekki fyrr en í Öxnadalnum hvort við værum ekki að fara að koma heim ! :o)

Þá er ferðasagan að mestu komin á blað og bið ég ykkur sem nennið að lesa þetta vel að lifa ;o) Lovjú oll...

Fluttar, nýtt líf & lost !

2005-06-22T08:58:00.000Z

Þá erum við mæðgur fluttar út úr Vestursíðunni með okkar hafurtask. Á að vísu eftir að ljúka við að fjarlægja eitthvað rusl, fara með blómin til mömmu og svo auðvitað þrífa ! Þannig að já það hljómar eins og eitthvað sé eftir. En þegar búslóðin er komin austur á sléttu þá er hálfur björninn unninn !

En það sem er helst í fréttum er að sjálfsögðu það að hún Linda Margrét vinkona mín eignaðist aðra dóttur í morgun klukkan 7. Til lukku með það litla sæta fjölskylda ;o)

Svo heyrði ég fínan brandara í morgunsárið sem hljóðar svo: "A successful man is one who makes more money than his wife can spend."

Veðrið - sumarblíðan eins og við kynntumst henni í fyrra er eitthvað að láta bíða eftir sér... kemur líklega svona um leið og ég þarf að setjast endanlega að í vinnunni innan dyra, þ.e. allan júlímánuð ! Held þó fast í vonina um að veðurspár rætist og að það sé bara núna í þessum rituðu orðum sem veðurguðirnir eru að leggja lokahönd á verkið og við það að senda hið besta veður hérna til mín og ykkar allra ;o) amen...

Já og eitt enn... ég horfði á ALLA "LOST" þættina í fyrrakvöld! eða það sem eftir var af þessari seríu sem er í TV núna, 10 þættir !!! og þetta er BARA spennandi... AAARRRRRGG...

lifið með simba en ekki í imba...

Hiti, sviti, sæla og hundasúrur

2005-06-10T15:43:00.000Z

Það er ekkert lát á hitanum hérna, hann bara stigmagnast þessi elska ;o) Hitinn var um tvö leytið kominn upp í 18-20° og hér er talsvert hvassviðri í öjablikket, heitur vindur semsagt... ótrúlega notalegt og næs!

Ég verð að mestu í fríi í næstu viku, njóta góða veðursins, borða hundasúrur með Stefaníu og svo pakka fullt fullt, eiginlega bara öllu mínu hafaríi... því það á að senda draslið mitt í geymslu þar til ég flyt sjálf í ágúst... gott að vera laus við það og búa svo í júlí hjá mömmu og pabba með litluna mína... sæla á hótel mömmu... ekki slæmt það skal ég segja ykkur...

lifið í friði...

Guten Schönen Tag

2005-06-10T11:23:00.000Z

Mikið ofsalega er Akureyri fallegur bær... það verður nú bara að segjast... hann (og Eyjafjörðurinn) er að mínu mati einn rómantískasti bær landsins... sem er á sama tíma MJÖG skrýtið... því að ég er búin að vera hér í 5 ár núna (eftir að ég flutti aftur heim) og er enn "single" !!! Alveg furðulegt (hahahaha) eða kannski ekki..!!! (hehe) Mér er líklega ætlað að gera eitthvað annað en ala upp fullorðinn karlmann... hahahaha... (smá djók!) En lífið er ljúft og ég nýt þess með hinni yndislegu og skemmtilegu dóttur minni...

En svo er það Öxarfjörðurinn... jööö minn hvað er fallegt þar... náttúrufegurðin þar er engri lík... Ásbyrgi er einmitt á því svæði og Hljóðaklettar... fyrir þá sem ekki vita... Og Ástjörn sumarbúðir fyrir börn er þarna líka... Ég ætla sko nefnilega að njóta þess að þurfa að keyra um þetta svæði á leið minni til Raufarhafnar í sumar og haust (já og næstu árin væntanlega)...

Milli Eyjafarðar og Öxarfjarðar hafið þið svo Mývatn sem er eins og ALLIR vita ótrúlega fallegt svæði og hefur ýmsa náttúrutöfra að geyma... Leirböðin sem opnuðu þar í fyrra eru ógurlega notaleg og gott að skella sér í bað þar og fara síðan út að borða á einu hótelanna sem eru á svæðinu...

Þannig að samkvæmt ofangreindu er Norðurland málið í sumarfríinu ;o)

Í sumar ætlum við mæðgur að ferðast aðeins um landið okkar... Borgarfjörður, Laugarvatn, Gullfoss & Geysir, Skógar og Skógarfoss, Hallormsstaðaskógur & Atlavík, Vaglaskógur, Ásbyrgi (röltum að vísu um Ásbyrgi síðustu helgi), Þórshöfn - Bakkafjörður - Vopnafjörður og auðvitað Róðhóll í Skagafirði... Þessu verður á einhvern hátt púslað inn í ferðaplanið... e.t.v. verða nú einhverjar breytingar, en hugurinn reikar í þessar áttir... Eyjafjörðurinn fær sinn skerf að sjálfsögðu...

Hitinn er eflaust kominn upp í eða yfir 15° þannig að helgin verður án vafa góð hér á Akureyri...

Góða helgi...

Einfalt er betra en flókið !

Kara flutti suður þar sem dekrað er við hana ;o)

Kara leitar að nýju heimili

Nýmálað húsið mitt

Að háþrýstiþvo hús..!

Sumarið alveg að verða búið !!!

Fjölgun í Grænuás fjölskylduna

Páskafríið góða

Af hinu og þessu !

Fyrirtækið Álfasteinn til Raufarhafnar

Búið að blóta

Klippikonan og pæjulöggan ;o)

Dansað alla nóttina

Með snjónum kom COMMENT ;o)

JÓLABRÉFIÐ 2007 !!!

jæja jæja jæja

Góð jól og gleðilegt nýtt ár

Nýja baðherbergið !

Jólatónleikar...

Ýmislegt um að vera í skólanum okkar

Jólin komin í Freyvang

Virðing fyrir kennarastarfinu ???

Menningarvikan í október !

Afmælisdagar í október !

Baðherbergið mitt og útihurðin

*** Dvergurinn Vetrarfaðir ***

Yfirhlaðnar hillur af puntudralli !

Oftar, en minna í einu !

7. ágúst - 12. nóvember !!!

Sunnudagur til sælu í sæluríki

My first day at school - sem skólastjóri !!!

Skipt um þak á Freyvangi

Húsakaup og bakstur... Ert þú kennari?

Bongóblíða í Freyvangi !

Svaðalega einfalt og svaðalega gott

Vetur konungur & auglýsingar

Ferming um helgina

Gleðilega páska !!!

Dansað alla nóttina...

Heyrst hefur # Huxast getur !

Jólin eru víst búin!!!

Jólabréfið 2006

Frændsystkinapartý þriðja í jólum :-þ

Aðventuhátíð í ljósabænum

Alger snilld

1. desember hátíðisdagur

Góð blaðamennska !

Helgarferð til Akureyrar...

Óveður og tiltekt !

Flóð og fullt tungl !

Villan bendir á fjölskylduna ;o)

Át vírus fjölskyldumyndirnar þínar?

Blogg-andinn!?!?

Megrun sem svínvirkar!

október - hrútasýning & kjötsúpa !

Villan á afmæli í dag!

Heimskautsgerði á Raufarhöfn

Maí !

Yndisleg helgi

PáskaFRÍ frí fRí ;o)

† Minning Sesars Þórs

Myndir á vefnum...

lokaritgerð, blót og fleira...

Skólastjóri - skólastjóri !

Jólaljós út þorra

Á réttri hillu

Lokaritgerðin í höfn !

LOKARITGERÐ - lOkArItGeRð - lokaritgerð

Idolstjarnan Stefanía - Raufarhafnarstjarnan *

Ammmmælisssstelpur !

Myndir úr 6 ára afmæli !

Riben í góðu veðri

Harpa systir þrítug

Hilda æskuvinkona var að gifta sig ;o)

Myndirnar sem áttu að koma áðan!

Réttir á Katastöðum í Presthólahreppi

Lína langsokk þema hjá 1.- 3. bekk

Hið margrómaða hreiður í myndrænu formi !

Stefanía á leið í skólann & amma og afi í heimsókn á Raufarhöfn

Skólinn byrjaður

* Dvergurinn Vetrarfaðir *